കുവൈത്ത് സിറ്റി: നിലവിലെ സാഹചര്യത്തില് കഫേകളില്നിന്ന് ശീഷ പിന്വലിക്കാന് ആരോഗ ്യമന്ത്രാലയം വാണിജ്യ വ്യവസായ വകുപ്പിനോട് ആവശ്യപ്പെട്ടു. കോവിഡ്-19െൻറ പശ്ചാത്തലത ്തിലാണ് ആരോഗ്യ മന്ത്രാലയത്തിെൻറ ആവശ്യം. അല്ലാതെതന്നെ കഫേകളില്നിന്ന് ശീഷ പിന്വലിക്കണമെന്ന നിർദേശം അധികൃതരുടെ മുന്നിലുണ്ട്. കഫേകളുടെയും റസ്റ്റാറൻറുകളുടെയും ലൈസന്സുകള് വേർതിരിച്ചു നല്കണമെന്നും അടച്ചിട്ട സ്ഥലങ്ങളിൽ ശീഷ അനുവദിക്കരുതെന്നുമുള്ള നിർദേശം നേരേത്ത മുനിസിപ്പൽ കൗൺസിൽ അംഗീകരിച്ചിരുന്നു.
മുനിസിപ്പല് കൗണ്സില് അംഗം അഹ്മദ് ഹദ്യാന് അല് ഹിന്സിയാണ് ഇത്തരമൊരു നിർദേശം മുന്നോട്ടു വെച്ചത്. എന്നാൽ, പരിസ്ഥിതി അതോറിറ്റി ഇതിൽ എതിർപ്പ് അറിയിച്ചിട്ടുണ്ട്. മുനിസിപ്പൽ തീരുമാനം പരിസ്ഥിതി സംരക്ഷണ നിയമത്തിലെ ആർട്ടിക്കിൾ 56ന് എതിരാണെന്നും ഇതിൽനിന്ന് പിൻവാങ്ങണമെന്നും ആവശ്യപ്പെട്ടാണ് പരിസ്ഥിതി അതോറിറ്റി രംഗത്തെത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.