കുവൈത്ത് സിറ്റി: കുവൈത്തിലെ പ്രധാന റോഡുകളിലൊന്നിന് അന്തരിച്ച ഒമാൻ ഭരണാധികാരി സുൽത്താൻ ഖാബൂസിെൻറ പേരിടും. കുവൈത്ത് അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബ ാഹ് ഇതുസംബന്ധിച്ച് ഉത്തരവിട്ടു. ഏത് റോഡ് എന്നത് സംബന്ധിച്ച് തീരുമാനമായിട്ടില്ല. കുവൈത്ത് മുനിസിപ്പൽ കൗൺസിൽ തെരഞ്ഞെടുക്കുന്ന ഏഴ് പ്രധാന ഹൈവേകളിലൊന്ന് കുവൈത്ത് മന്ത്രിസഭ തെരഞ്ഞെടുക്കും.
ഏതാനും ദിവസത്തിനകം ഇതുസംബന്ധിച്ച് തീരുമാനമാവുമെന്ന് അമീരി ദീവാൻ അറിയിച്ചു. സുൽത്താൻ ഖാബൂസുമായി ഉണ്ടായിരുന്നത് ഉൗഷ്മളമായ വ്യക്തിബന്ധമായിരുന്നുവെന്നും കുവൈത്തിെൻറ ഏറ്റവും മികച്ച അഭ്യുദയ കാംക്ഷികളിലൊരാളായിരുന്നു അദ്ദേഹമെന്നും ഉത്തരവിൽ അമീർ അനുസ്മരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.