കുവൈത്ത് സിറ്റി: എ.ടി.എം മെഷീൻ തകർത്ത് പണംകവർന്ന കേസിലെ പ്രതിയെ സുരക്ഷവിഭാഗം പിടികൂടി. ദിവസങ്ങൾക്കുമുമ്പ് ശുവൈഖിലെ പ്രാദേശിക ബാങ്കിനുകീഴിലെ എ.ടി.എമ്മിൽനിന്ന് പണം മോഷ്ടിച്ച കേസിലെ പ്രതിയാണ് കസ്റ്റഡിയിലായത്. രഹസ്യവിവരം ലഭിച്ചതിെൻറ അടിസ്ഥാനത്തിൽ കാപിറ്റൽ ഇൻറലിജൻസ് ഉദ്യോഗസ്ഥർ നസീമിൽനിന്നാണ് ഇയാളെ പിടികൂടിയത്. കുറ്റം സമ്മതിച്ച പ്രതിയിൽനിന്ന് എ.ടി.എം മെഷീൻ പൊളിക്കാൻ ഉപയോഗിച്ച സാമഗ്രികളും സംഭവസമയത്ത് ധരിച്ച വസ്ത്രവും പൊലീസ് കണ്ടെടുത്തു. തുടർനടപടികൾക്കായി ഇയാളെ പ്രത്യേക വിഭാഗത്തിന് കൈമാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.