കുവൈത്ത് ക്രിക്കറ്റ് അസോസിയേഷൻ ജില്ല അടിസ്ഥാനത്തിൽ സംഘടിപ്പിച്ച കുവൈത്ത് കേരള പ്രീമിയർ ലീഗ് സീസൺ 18ൽ
ജേതാക്കളായ അൽമുല്ല എക്സ്ചേഞ്ച് തൃശൂർ ലയൺസ് ട്രോഫിയുമായി
കുവൈത്ത് സിറ്റി: കുവൈത്ത് ക്രിക്കറ്റ് അസോസിയേഷൻ ജില്ല അടിസ്ഥാനത്തിൽ സംഘടിപ്പിച്ച കുവൈത്ത് കേരള പ്രീമിയർ ലീഗ് സീസൺ 18 സുലൈബിയ ക്രിക്കറ്റ് സ്റ്റേഡിയത്തിൽ നടന്നു. ടൂർണമെന്റിൽ അൽമുല്ല എക്സ്ചേഞ്ച് തൃശൂർ ലയൺസ് ജേതാക്കളായി. 12 ടീമുകൾ രണ്ടു ഗ്രൂപ്പുകളിലായി പങ്കെടുത്ത ടൂർണമെൻറിൽ മൂന്നു ടീമുകൾ വീതം സൂപ്പർ ആറിൽ പ്രവേശിച്ചു.
വാശിയേറിയ ഫൈനലിൽ കെ.ആർ.എം പാന്തേഴ്സിനെയാണ് അൽമുല്ല എക്സ്ചേഞ്ച് തൃശൂർ ലയൺസ് തോൽപിച്ചത്. ടോസ് നേടിയ കെ.ആർ.എം പാന്തേഴ്സ് കണ്ണൂർ ബാറ്റിങ് തിരഞ്ഞെടുക്കുകയും നിശ്ചിത 20 ഓവറിൽ എട്ടു വിക്കറ്റ് നഷ്ടത്തിൽ 133 റൺസ് നേടുകയും ചെയ്തു.
മറുപടി ബാറ്റിങ്ങിനിറങ്ങിയ അൽമുല്ല 17.2 ഓവറിൽ നാലു വിക്കറ്റ് നഷ്ടത്തിൽ വിജയലക്ഷ്യം കരസ്ഥമാക്കി. ഫൈനലിൽ തൃശൂർ ലയൺസിന്റെ രജീഷ് (മെൽബൺ) മാൻ ഓഫ് ദ മാച്ച് ആയി. 51 ബാളിൽ 72 റൺസ് എടുത്ത് പുറത്താകാതെ നിന്നാണ് മാൻ ഓഫ് ദ മാച്ച് ആയത്.
അൽമുല്ല എക്സ്ചേഞ്ച് അസി. ജനറൽ മാനേജർ ന്യൂട്ടൻ ജോസഫും കുവൈത്ത് നാഷനൽ ടീം അംഗം ക്ലിന്റോയും (ക്യാപ്റ്റൻ) ചേർന്ന് തൃശൂർ ലയൺസിനുവേണ്ടി ട്രോഫി ഏറ്റുവാങ്ങി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.