കുവൈത്ത് സിറ്റി: അഹ്മദി പെേട്രാളിയം മേഖലയിൽ പുതുതായി പണിതീർത്ത അഹ്മദി ആശുപത്രി അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹ് ഉദ്ഘാടനം ചെയ്തു. 3,80,000 ചതുരശ്ര മീറ്ററിൽ പ്രവർത്തിക്കുന്ന ആശുപത്രിയിൽ 300 രോഗികളെ കിടത്തി ചികിത്സിക്കാനുള്ള സൗകര്യമുണ്ട്. 94 മില്യൻ ദീനാറാണ് ആശുപത്രിയുടെ മൊത്തം നിർമാണ ചെലവ്. ബുധനാഴ്ച രാവിലെ ഉദ്ഘാടന ചടങ്ങിനെത്തിയ അമീറിനെ പെേട്രാളിയം, ജല–വൈദ്യുതി മന്ത്രി ഇസാം അൽ മർസൂഖ്, കുവൈത്ത് പെേട്രാളിയം കമ്പനി എക്സിക്യുട്ടീവ് മേധാവി ജമാൽ ജഅ്ഫർ, എണ്ണ മേഖലയിലെ പ്രമുഖ വ്യക്തിത്വങ്ങൾ എന്നിവർ ചേർന്ന് സ്വീകരിച്ചു. കിരീടാവകാശി ശൈഖ് നവാഫ് അൽ അഹ്മദ് അൽ ജാബിർ അസ്സബാഹ്, പ്രധാനമന്ത്രി ശൈഖ് ജാബിർ അൽ മുബാറക് അൽ ഹമദ് അസ്സബാഹ്, മന്ത്രിമാർ, പാർലമെൻറ് സ്പീക്കർ മർസൂഖ് അൽ ഗാനിം എന്നിവർ ചടങ്ങിൽ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.