കുവൈത്ത് സിറ്റി: ബജറ്റ് വിമാനക്കമ്പനിയായ ഇൻഡിഗോ എയർലൈൻസ് കുവൈത്തിൽനിന്ന് മുംബൈയിലേക്ക് വിമാന സർവിസ് ആരംഭിക്കുന്നു. ആഗസ്റ്റ് അഞ്ചുമുതലാണ് നേരിട്ടുള്ള സർവിസ്. ഇന്ത്യയിൽനിന്ന് പുതുതായി ദുബൈ, ജിദ്ദ എന്നിവിടങ്ങളിലേക്കും സർവിസ് ആരംഭിക്കുന്നുണ്ട്. ഇൻഡിഗോയുടെ ഡൽഹി-ജിദ്ദ സർവിസ് ജൂലൈ 25ന് ആരംഭിക്കും. മുംബൈയിൽനിന്ന് ദുബൈയിലേക്കും നേരിട്ട് സർവിസ് ആരംഭിക്കുമെന്ന് ഇൻഡിഗോ അധികൃതർ വ്യക്തമാക്കി. നിലവിൽ ഇൻഡിഗോ എയർലൈൻസിന് കൊച്ചി, ചെന്നൈ എന്നിവിടങ്ങളിലേക്ക് പ്രതിദിന സർവിസും അഹ്മദാബാദിലേക്ക് ആഴ്ചയിൽ മൂന്നു ദിവസവും കണ്ണൂരിലേക്ക് ചൊവ്വ ഒഴികെയുള്ള ദിവസങ്ങളിലും സർവിസ് ഉണ്ട്. കൊച്ചി വിമാനം രാത്രി 2.50ന് കുവൈത്തിൽനിന്ന് പുറപ്പെട്ട് രാവിലെ 10.25ന് അവിടെയെത്തും.
തിരിച്ച് രാവിലെ 10.50ന് കൊച്ചിയിൽനിന്ന് പുറപ്പെട്ട് ഉച്ചക്ക് രണ്ടിന് കുവൈത്തിലെത്തും. പുലർച്ച 1.05ന് കുവൈത്തിൽനിന്ന് പുറപ്പെട്ട് 4.10ന് ചെന്നൈയിലിറങ്ങി തിരിച്ച് 5.10ന് അവിടെനിന്ന് കുവൈത്തിലേക്ക് തിരിക്കുന്ന രീതിയിലാണ് ഇൻഡിഗോയുടെ ചെെന്നെ സർവിസ്. ഉച്ചക്ക് 12.25നാണ് കുവൈത്തിൽ ഇറങ്ങുക. ചൊവ്വ, വെള്ളി, ഞായർ ദിവസങ്ങളിലാണ് അഹ്മദാബാദ് സർവിസ്. അഹ്മദാബാദിൽനിന്ന് രാവിലെ 8.30ന് പുറപ്പെട്ട് 9.40ന് കുവൈത്തിലെത്തി തിരിച്ച് 10.40ന് അഹ്മദാബാദിലേക്ക് തിരിച്ചുപോവുന്ന രീതിയിലാണ് ക്രമീകരണം. വൈകീട്ട് 4.50നാണ് അഹ്മദാബാദിൽ വിമാനമിറങ്ങുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.