കുവൈത്ത് സിറ്റി: ശുവൈഖ് തുറമുഖത്തുനിന്ന് അഞ്ചുലക്ഷം ദീനാർ വില വരുന്ന സ്ഫോടക വസ്തുക്കൾ പിടികൂടി. മൂന്നു കണ്ടയ്നറുകളിലായി മൂന്നുമാസം മുമ്പാണ് ഇത് കുവൈത്തിലെത്തിയത്. മൂന്നുമാസമായിട്ടും കണ്ടെയ്നറിലെ സാധനങ്ങൾ സ്വീകരിക്കാൻ ആളെത്താതിരുന്നപ്പോഴാണ് കസ്റ്റംസ് വിഭാഗം സാധനങ്ങൾ പരിശോധിച്ചത്. കണ്ടെയ്നറിൽ വസ്ത്രങ്ങളാെണന്ന് തെറ്റിദ്ധരിപ്പിച്ചാണ് ശുവൈഖ് തുറമുഖത്ത് സ്ഫോടക വസ്തുക്കൾ എത്തിച്ചതെന്ന് കസ്റ്റംസ് വിഭാഗം അറിയിച്ചു. കസ്റ്റംസ് നിയമപ്രകാരം 90 ദിവസത്തിന് ശേഷം ഉടമസ്ഥർ എത്തിയില്ലെങ്കിൽ സാധനങ്ങൾ കണ്ടുകെട്ടുന്നതാണ്. ഇത് പ്രകാരം അനധികൃതമായി കുവൈത്തിലെത്തിച്ച സ്ഫോടക വസ്തുക്കൾ ആഭ്യന്തര മന്ത്രാലയത്തിന് കൈമാറി നശിപ്പിക്കാൻ തീരുമാനിച്ചതായി കസ്റ്റംസ് വിഭാഗം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.