മിശ്രിഫ്: കെഫാക് സോക്കര്‍ ലീഗ് മത്സരങ്ങളില്‍ റൗദ എഫ്.സിക്കും ബിഗ് ബോയ്‌സിനും മലപ്പ ുറത്തിനും വിജയം. കഴിഞ്ഞ ദിവസം മിശ്രിഫ് പബ്ലിക് അതോറിറ്റി യൂത്ത് ആന്‍ഡ് സ്പോര്‍ട്സ് സ് റ്റേഡിയത്തില്‍ നടന്ന ആദ്യ മത്സരത്തില്‍ റൗദ എഫ്.സി ഏകപക്ഷീയമായ ഒരു ഗോളിന് ഫഹാഹീല ്‍ ബ്രദേഴ്സിനെ പരാജയപ്പെടുത്തി. സുഹൈല്‍ ഗോള്‍ നേടി. സോനു സേവ്യറെ മാന്‍ ഓഫ് ദ മാച്ചായി തിരഞ്ഞെടുത്തു. രണ്ടാം മത്സരത്തില്‍ എതിരില്ലാത്ത രണ്ട് ഗോളുകള്‍ക്ക് ബിഗ് ബോയ്സ് കെ.കെ.എസ് സുർറയെ തോൽപിച്ചു.
ബിഗ് ബോയ്സ് താരം നൗഷാദ് മാന്‍ ഓഫ് ദ മാച്ചായി. വാശിയേറിയ മൂന്നാം മത്സരത്തില്‍ മറുപടിയില്ലാത്ത ഒരു ഗോളിന് മലപ്പുറം ബ്രദേഴ്‌സ് ടി.എസ്.എഫ്.സിയെ കീഴടക്കി. ടി.എസ്.എഫ്.സി താരം ബിജു മാന്‍ ഓഫ് ദ മാച്ചായി. സോക്കര്‍ കേരളയും ബ്രദേഴ്‌സ് കേരളയും തമ്മില്‍ നടന്ന അവസാന മത്സരം ഗോള്‍രഹിത സമനിലയില്‍ അവസാനിച്ചു. ബ്രദേഴ്‌സ് കേരളയുടെ അനസ് മാന്‍ ഓഫ് ദ മാച്ചായി.
ആഴ്ചയിൽ നടക്കുന്ന കളി കുടുംബസമേതം കാണാൻ കുവൈത്തിലെ മുഴുവന്‍ ഫുട്ബാള്‍ പ്രേമികള്‍ക്കും സൗകര്യം ഒരുക്കിയതായി കെഫാക് ഭാരവാഹികള്‍ അറിയിച്ചു. കൂടുതല്‍ വിവരങ്ങള്‍ക്ക് 99708812, 55916413 എന്നീ നമ്പറുകളില്‍ ബന്ധപ്പെടാവുന്നതാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.