കുവൈത്ത് സിറ്റി: കെ.എം.സി.സി കൊയിലാണ്ടി മണ്ഡലം കമ്മിറ്റി നടപ്പാക്കുന്ന വിദ്യാഭ്യാസ സഹായ പദ്ധതിയായ ‘നോളജ് കോൺഫ്ലുവൻസ’യുടെ പ്രഖ്യാപന സമ്മേളനം നടത്തി. മുസ്ലിം ലീഗ് എഴുപത്തഞ്ചാം വാർഷികത്തോടനുബന്ധിച്ച് 75 വിദ്യാർഥികൾക്ക് വിദ്യാഭ്യാസ സഹായം നൽകുന്നതാണ് പദ്ധതി. കെ.എം.സി.സി സംസ്ഥാന പ്രസിഡന്റ് നാസർ അൽ മശ്ഹൂർ തങ്ങൾ ഉദ്ഘാടനം ചെയ്തു. കൊയിലാണ്ടി മണ്ഡലം പ്രസിഡന്റ് ടി.വി. ലത്തീഫ് അധ്യക്ഷത വഹിച്ചു. മോട്ടിവേറ്ററും പ്രഭാഷകനുമായ റാഷീദ് ഗസ്സാലി മുഖ്യപ്രഭാഷണം നടത്തി.
കെ.എം.സി.സി കുവൈത്ത് വൈസ് പ്രസിഡന്റ് ഫാറൂഖ് ഹമദാനി ‘നോളജ് കോൺഫ്ലുവൻസ’ വിശദീകരിച്ചു. ജനറൽ സെക്രട്ടറി ശറഫുദ്ദീൻ കണ്ണേത്ത്, മുസ്ലിം ലീഗ് നിലമ്പൂർ മണ്ഡലം വൈസ് പ്രസിഡന്റ് അബ്ദുൽ നാസർ, മുഹമ്മദലി മെഡക്സ്, മണ്ഡലം വൈസ് പ്രസിഡന്റ് നിയാസ് കൊയിലാണ്ടി എന്നിവർ സംസാരിച്ചു.
റഊഫ് മഷ്ഹൂർ തങ്ങൾ, ഫാസിൽ കൊല്ലം, സലാം നന്തി, ഷാനവാസ് കാപ്പാട്, അസീസ് തിക്കോടി, ഇസ്മായിൽ സൺഷൈൻ, കരീം കെ.കെ. പൂക്കാട്, നവാസ് കോട്ടക്കൽ, ഗഫൂർ ഹസനാസ് എന്നിവർ പ്രസീഡിയം നിയന്ത്രിച്ചു. ജനറൽ സെക്രട്ടറി അനുഷാദ് തിക്കോടി സ്വാഗതവും വൈസ് പ്രസിഡന്റ് ശരീഖ് നന്തി നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.