കെ.കെ.പി.എ ക്രിസ്മസ്-പുതുവത്സരം പ്രോഗ്രാമിന്റെ ഫ്ളയർ പ്രകാശനം സാൽമിയ ഇന്ത്യൻ പബ്ലിക് സ്കൂൾ പ്രിൻസിപ്പൽ ലൂസി ചെറിയാൻ നിർവഹിക്കുന്നു
കുവൈത്ത് സിറ്റി: കുവൈത്ത് കേരള പ്രവാസി അസോസിയേഷൻ (കെ.കെ.പി.എ) ക്രിസ്മസ്-ന്യൂ ഇയർ പ്രോഗ്രാം ഫ്ളയർ പ്രകാശനം ചെയ്തു. സാൽമിയ ഇന്ത്യൻ പബ്ലിക് സ്കൂൾ പ്രിൻസിപ്പൽ ലൂസി ചെറിയാൻ കെ.കെ.പി.എ വൈസ് പ്രസിഡന്റ് സാറമ്മ ജോൺസിന് നൽകി പ്രകാശനം നിർവഹിച്ചു. സാൽമിയ ഇന്ത്യൻ പബ്ലിക് സ്കൂളിൽ പ്രസിഡന്റ് സക്കീർ പുത്തൻപാലത്തിന്റെ അധ്യക്ഷതയിൽ കൂടിയ ചടങ്ങിൽ ജനറൽ കോഓഡിനേറ്റർ നൈനാൻ ജോൺ, വിനു മാവിളയിൽ, ട്രഷറർ സജീവ് ചാവക്കാട്, മെസ്സി തോമസ്, സജീവൻ കുന്നുമ്മൽ, രാജേഷ്, സതീഷ് എന്നിവർ സംസാരിച്ചു. ജനറൽ സെക്രട്ടറി സുശീല കണ്ണൂർ സ്വാഗതവും ട്രഷറർ ബൈജു ലാൽ നന്ദിയും പറഞ്ഞു.
ഡിസംബർ ഒമ്പതിന് വൈകീട്ട് മൂന്നു മുതൽ സാൽമിയ ഇന്ത്യൻ പബ്ലിക് സ്കൂളിലാണ് പ്രോഗ്രാം. കുവൈത്ത് കേരള പ്രവാസി അസോസിയേഷൻ ശിശുദിനത്തിൽ നടത്തിയ ചിത്രരചന മത്സരത്തിന്റെ വിജയികൾക്കുള്ള സമ്മാനദാനവും ഈ പ്രോഗ്രാമിൽ നടത്തുമെന്ന് ഭാരവാഹികൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.