കുവൈത്ത് സിറ്റി: കെഫാക്-യൂനിമണി സീസൺ ഏഴിലെ ഗ്രൂപ് ബിയിലെ സോക്കർ ലീഗ് മത്സരങ്ങളിൽ ഫഹാഹീൽ ബ്രദേഴ്സ്, ചാമ്പ്യൻസ് എഫ്.സി ടീമുകൾക്ക് വിജയം. ആദ്യമത്സരത്തിൽ ഫഹാഹീൽ ബ്രദേഴ്സിെൻറ ഷാഫി മലയിൽ നേടിയ ഒരു ഗോളിന് കുവൈത്ത് കേരള സ്റ്റാർസിനെ പരാജയപ്പെടുത്തി.
രണ്ടാം മത്സരത്തിൽ ചാമ്പ്യൻസ് എഫ്.സി താരം കിഷോർ നേടിയ ഏകപക്ഷീയമായ ഒരു ഗോളിന് മലപ്പുറം ബ്രദേഴ്സിനെ പരാജയപ്പെടുത്തി. സിൽവർ സ്റ്റാർ എഫ്. സിയും ട്രിവാൻഡ്രം സ്ട്രൈക്കേഴ്സ് എഫ്.സിയും തമ്മിലെ മത്സരം ഗോൾരഹിത സമനിലയിൽ അവസാനിച്ചു.
അവസാന മത്സരത്തിൽ യങ് ഷൂട്ടേഴ്സ് അബ്ബാസിയയും, സി.എഫ്.സി സാൽമിയയും രണ്ടുഗോൾ വീതമടിച്ച് സമനിലയിൽ പിരിഞ്ഞു. യങ് ഷൂട്ടേഴ്സ് അബ്ബാസിയക്കുവേണ്ടി അനസും ഐവിയും ഗോളുകൾ നേടിയപ്പോൾ ജോബിയും ജമാലുദ്ദീനുമാണ് സി.എഫ്.സി സാൽമിയയുടെ സ്കോറർമാർ. മാസ്റ്റേഴ്സ് ലീഗിൽ ഫഹാഹീൽ ബ്രദേഴ്സും ബ്രദേഴ്സ് കേരളയും ഒാരോ ഗോൾ വീതം അടിച്ച് സമനിലയിലായപ്പോൾ സ്പാർക്സ് എഫ്.സി രണ്ടു ഗോളിന് മാക് കുവൈത്തിനെ പരാജയപ്പെടുത്തി. സി.എഫ്.സി സാൽമിയ- സിയസ്കോ എഫ്.സി, ട്രിവാൻഡ്രം സ്ട്രൈക്കേഴ്സ് എഫ്.സി-യങ് ഷൂട്ടേഴ്സ് അബ്ബാസിയ മത്സരങ്ങൾ ഗോൾരഹിത സമനിലയിൽ അവസാനിച്ചു.
സോക്കർ ലീഗ് മത്സരങ്ങളിൽ മാൻ ഓഫ് ദി മാച്ചായി ശഫാഫ് (ഫഹാഹീൽ ബ്രദേഴ്സ്), ഡിനിൻ (ചാമ്പ്യൻസ് എഫ്.സി), രാകേഷ് (സിൽവർ സ്റ്റാർ എഫ്.സി), ജമാലുദ്ദീൻ (സി.എഫ്.സി സാൽമിയ) എന്നിവരും മാസ്റ്റേഴ്സ് ലീഗിൽ അപ്പുക്കുട്ടൻ (ഫഹാഹീൽ ബ്രദേഴ്സ്), പ്രകാശൻ (സ്പാർക്സ് എഫ്.സി ), ഉണ്ണികൃഷ്ണൻ (സിയസ്കോ), ബൈജു (ട്രിവാൻഡ്രം സ്ട്രൈക്കേഴ്സ് എഫ്. സി) എന്നിവരും തെരഞ്ഞെടുക്കപ്പെട്ടു.
വെള്ളിയാഴ്ച വൈകീട്ട് മൂന്നുമുതൽ ഗ്രൂപ് എ യിലെ മാസ്റ്റേഴ്സ് ലീഗ്, സോക്കർ ലീഗ് മത്സരങ്ങൾ മിശ്രിഫ് പബ്ലിക് അതോറിറ്റി ഫോർ യൂത്ത് ആൻഡ് സ്പോർട്സ് ഫ്ലഡ്ലൈറ്റ് സ്റ്റേഡിയത്തിൽ നടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.