കുവൈത്ത് സിറ്റി: രാജ്യത്ത് വരുംദിവസങ്ങളിൽ ശക്തമായ ചൂട് അനുഭവപ്പെടുമെന്ന് കാലാവസ്ഥ വകുപ്പിന്റെ മുന്നറിയിപ്പ്.ഇന്ത്യൻ മൺസൂൺ ന്യൂനമർദത്തിന്റെ വ്യാപനം രാജ്യത്തെ ബാധിക്കും. അതോടൊപ്പം ചൂടുള്ളതും വരണ്ടതുമായ വായു പിണ്ഡവും നേരിയതോ മിതമായതോ ആയ വടക്കുപടിഞ്ഞാറൻ കാറ്റും സജീവമാകും.ഇത് തുറന്ന പ്രദേശങ്ങളിൽ പൊടിക്കാറ്റിനും ഉയർന്ന കടൽ തിരമാലകൾക്കും കാരണമാകും. പകൽ സമയത്ത് കാലാവസ്ഥ വളരെ ചൂടായിരിക്കും. രാത്രിയിലും ചൂട് തുടരും.
വെള്ളിയാഴ്ച പകൽ വളരെ ചൂടുള്ളതായിരിക്കും. വടക്ക് പടിഞ്ഞാറുനിന്ന് വ്യത്യസ്ത ദിശകളിലേക്ക് കാറ്റ് നേരിയതോ മിതമായതോ ആയ വേഗത്തിൽ വീശും. പ്രതീക്ഷിക്കുന്ന പരമാവധി താപനില 46 മുതൽ 48 ഡിഗ്രി സെൽഷ്യസ് വരെയാണ്. കടൽ നേരിയതോ മിതമായതോ ആയിരിക്കും. രാത്രിയും കാലാവസ്ഥ ചൂടുള്ളതായിരിക്കും. പ്രതീക്ഷിക്കുന്ന കുറഞ്ഞ താപനില 30 മുതൽ 32 ഡിഗ്രി സെൽഷ്യസ് വരെയാണ്.
ശനിയാഴ്ചയും കനത്ത ചൂട് തുടരും. നേരിയതോ മിതമായതോ ആയ വേഗതയിൽ കാറ്റു വീശും. തുറന്ന പ്രദേശങ്ങളിൽ പൊടിപടലങ്ങൾ ഉണ്ടാകാം.പ്രതീക്ഷിക്കുന്ന പരമാവധി താപനില 47 മുതൽ 49 ഡിഗ്രി വരെയാണ്. രാത്രിയും കാലാവസ്ഥ ചൂടേറിയതായിരിക്കും. കാറ്റ് മണിക്കൂറിൽ 10 മുതൽ 38 കിലോമീറ്റർ വരെ വേഗതയിലായിരിക്കും. കുറഞ്ഞ താപനില 31 മുതൽ 33 ഡിഗ്രി വരെയാകും.ചൂടിനും പൊടിക്കാറ്റിനും സാധ്യതയുള്ളതിനാൽ ആവശ്യമായ മുൻകരുതലുകൾ സ്വീകരിക്കാൻ പൊതു ജനങ്ങളോട് കാലാവസ്ഥ വകുപ്പ് അഭ്യർഥിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.