ഐ.ഐ.സി ഹെൽപ് ടെസ്കിന്റെ ഉദ്ഘാടനം കേന്ദ്ര പ്രസിഡന്റ് യൂനുസ് സലീം നിർവഹിക്കുന്നു
കുവൈത്ത് സിറ്റി: വിവിധ ആവശ്യങ്ങൾക്ക് പ്രയാസപ്പെടുന്ന പ്രവാസികൾക്ക് സഹായമായി ഇന്ത്യൻ ഇസ്ലാഹി സെന്റർ സാമൂഹ്യ ക്ഷേമ വകുപ്പിന്റെ കീഴിൽ കെയർ ഹെൽപ് ടെസ്ക് ആരംഭിച്ചു. നോർക്ക ഐഡി, പ്രവാസി പെൻഷൻ സ്കീം രജിസ്ട്രേഷൻ, ജോലികണ്ടെത്താനായി സഹായിക്കൽ, ആരോഗ്യ പ്രശ്നങ്ങൾ, ഇന്ത്യൻ എംബസിയുമായി ബന്ധപ്പെട്ട സഹായങ്ങൾ, ഫാസ്റ്റ് ട്രാക്ക് എമിഗ്രേഷൻ, ഉംറ-ഹജ്ജ് സേവനങ്ങൾ, കുട്ടികളുടെ മദ്റസ പഠനം, മുതിർന്നവർക്ക് ഖുർആൻ പഠന ക്ലാസുകൾ തുടങ്ങി വൈവിധ്യമായ സേവനങ്ങളാണ് ഹെൽപ് ടെസ്കിന് കീഴിൽ ചെയ്യുന്നത്. കുവൈത്ത് ഔക്കാഫ് മതകാര്യ വകുപ്പിന് കീഴിൽ മലയാളത്തിൽ ഖുതുബ നടക്കുന്ന ഐ.ഐ.സി മസ്ജിദുകൾ കേന്ദ്രീകരിച്ചാണ് സേവനം ലഭിക്കുക.
ഹെൽപ് ടെസ്കിന്റെ കേന്ദ്ര തല ഉദ്ഘാടനം സാൽമിയ മലയാളം ഖുതുബ നടക്കുന്ന അൽവുഐബ് മസ്ജിദിൽ ഐ.ഐ.സി കേന്ദ്ര പ്രസിഡന്റ് യൂനുസ് സലീം നിർവഹിച്ചു. ജനറൽ സെക്രട്ടറി മനാഫ് മാത്തോട്ടം, ട്രഷറർ അനസ് മുഹമ്മദ്, സെക്രട്ടറിമാരായ അയ്യൂബ് ഖാൻ, ടി.എം അബ്ദുറഷീദ്, ഷെർഷാദ്, ആമിർ യു.പി, നബീൽ ഫറോഖ്, കെ.എം.സി.സി ട്രഷറർ ഹാരിസ്, സാൽമിയ യൂനിറ്റ് പ്രസിഡന്റ് അൽ അമീൻ സുല്ലമി, നവാസ്, ശുഐബ് നന്തി, അഷ്റഫ് മേപ്പയ്യൂർ എന്നിവർ പങ്കെടുത്തു. ഐ.ഐ.സിക്ക് കീഴിൽ ഖുതുബ നടക്കുന്ന മറ്റു പള്ളികളിലും കെയർ ഹെൽപ് ടെസ്ക് ആരംഭിക്കും
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.