കുവൈത്ത് സിറ്റി: റമദാന്റെ ഭാഗമായി ‘ഗൾഫ് മാധ്യമം’ അൽ അൻസാരി എക്സ്ചേഞ്ചുമായി സഹകരിച്ച് വായനക്കാർക്കായി ‘റമദാൻ ക്വിസ്’ മത്സരം സംഘടിപ്പിക്കുന്നു. ശനിയാഴ്ച മുതൽ റമദാൻ അവസാനം വരെ ക്വിസ് മത്സരം തുടരും. വിജയികൾക്ക് ആകർഷകമായ സമ്മാനങ്ങൾ ലഭിക്കും.
ദിവസവും ഗൾഫ് മാധ്യമം പത്രത്തിലും ഓൺലൈനിലും പ്രസിദ്ധീകരിക്കുന്ന ചോദ്യങ്ങൾക്ക് ഓൺലൈനായാണ് ഉത്തരം നൽകേണ്ടത്. കൂടുതൽ പേർ ശരിയുത്തരം അയച്ചാൽ നറുക്കെടുപ്പിലൂടെയാകും വിജയികളെ തിരഞ്ഞെടുക്കുക. വിജയികളുടെ പേര് പിറ്റേ ദിവസത്തെ ഗൾഫ് മാധ്യമത്തിൽ പ്രസിദ്ധീകരിക്കും. മുൻ വർഷങ്ങളിലും റമദാനിൽ ഗൾഫ് മാധ്യമം വായനക്കാർക്കായി സമാന മത്സരങ്ങൾ സംഘടിപ്പിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.