ജി.സി.സി രാജ്യങ്ങളിലെ വിദേശകാര്യ മന്ത്രിമാരുടെ യോഗത്തിൽ അബ്ദുല്ല അൽ യഹ്യ
കുവൈത്ത് സിറ്റി: ജി.സി.സി രാജ്യങ്ങളിലെ വിദേശകാര്യ മന്ത്രിമാരെയും യു.എസ് സ്റ്റേറ്റ് സെക്രട്ടറി ആന്‍റണി ബ്ലിങ്കനെയും ഉൾപ്പെടുത്തി ജി.സി.സി സെക്രട്ടേറിയറ്റ് ജനറൽ ആസ്ഥാനത്ത് പ്രത്യേക യോഗം ചേർന്നു. യോഗത്തിൽ കുവൈത്ത് പ്രതിനിധി സംഘത്തെ വിദേശകാര്യ മന്ത്രി അബ്ദുല്ല അൽ യഹ്യ നയിച്ചു. അമേരിക്കയുമായി ജി.സി.സി രാജ്യങ്ങളുടെ ചരിത്രപരമായ ഉഭയകക്ഷി ബന്ധവും സഹകരണവും യോഗം ചർച്ച ചെയ്തു. രാജ്യങ്ങളുടെ സുരക്ഷയും സുസ്ഥിരതയും നിലനിർത്തുന്നതിനുള്ള മാർഗങ്ങൾ, ഗസ്സയിലെ നിലവിലെ സാഹചര്യങ്ങളും വെടിനിർത്തൽ നടപ്പാക്കേണ്ടതിന്‍റെ ആവശ്യകതയും ഗസ്സക്കാർക്ക് സഹായം സുരക്ഷിതമായി എത്തിക്കുന്നതിനുള്ള ശ്രമങ്ങളെ പിന്തുണക്കൽ എന്നിവയും ചർച്ച ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.