ആക്മി കുവൈത്ത് സെവൻസ് ഫുട്ബാൾ പോസ്റ്റർ ബദർ അൽ സമ ബ്രാഞ്ച് മാനേജർ അബ്ദുൽ
റസാഖ് പ്രകാശനം ചെയ്യുന്നു
കുവൈത്ത് സിറ്റി: ആക്മി ക്ലബ് തൃക്കരിപ്പൂർ ഗോൾഡൻ ജൂബിലി ആഘോഷ ഭാഗമായി കുവൈത്ത് കമ്മിറ്റി കെഫാക്കുമായി സഹകരിച്ച് നടത്തുന്ന ഏകദിന സെവൻസ് ഫുട്ബാൾ മത്സരത്തിന്റെ പോസ്റ്റർ പ്രകാശനം ചെയ്തു.
മേയ് 27 വെള്ളിയാഴ്ച സുർറ സ്റ്റേഡിയത്തിലാണ് മത്സരം. ഫർവാനിയ ബദർ അൽ സമ മെഡിക്കൽ സെന്ററിൽ ആക്മി കുവൈത്ത് പ്രസിഡന്റ് നളിനാക്ഷൻ ഒളവറ അധ്യക്ഷത വഹിച്ചു. ബദർ അൽ സമ ബ്രാഞ്ച് മാനേജർ അബ്ദുൽ റസാഖ് പ്രകാശനം നിർവഹിച്ചു.
ബദർ അൽ സമ മാർക്കറ്റിങ് എക്സിക്യൂട്ടിവ് രഹജൻ, അബ്ദുൽ ഖാദിർ, താസിർ ആക്മി, കുവൈത്ത് ഓർഗനൈസിങ് സെക്രട്ടറി മിസ്ഹബ് മാടമ്പില്ലത്ത്, സെക്രട്ടറിമാരായ അദീബ് നങ്ങാരത്ത്, ഫാറൂഖ് തെക്കെക്കാട്, അംഗം വി. മുഹമ്മദ് റഫീഖ് എന്നിവർ ചടങ്ങിൽ സന്നിഹിതരായിരുന്നു.
ആക്മി കുവൈത്ത് ജനറൽ സെക്രട്ടറി യു.പി. ഫിറോസ് സ്വാഗതവും ട്രഷറർ സുമേഷ് തങ്കയം നന്ദിയും പറഞ്ഞു. 16 ടീമുകൾ മാറ്റുരക്കുന്ന ടൂർണമെന്റിലെ വിജയികൾക്ക് ട്രോഫിയും പ്രൈസ് മണിയും നൽകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.