വാ​ഹ​ന​ങ്ങ​ളി​ലെ തീ​പി​ടി​ത്തം; ശ്ര​ദ്ധി​ക്കാം ഇക്കാ​ര്യ​ങ്ങ​ൾ

കു​വൈ​ത്ത്​ സി​റ്റി: ക​ടു​ത്ത ചൂ​ടി​നെ തു​ട​ർ​ന്ന്​ വാ​ഹ​ന​ങ്ങ​ൾ​ക്ക്​ തീ​പി​ടി​ക്കു​ന്ന​ത്​ പ​തി​വാ​ണ്. ക​ഴി​ഞ്ഞ ദി​വ​സം റ​ഹാ​ബി​ൽ സ്കൂ​ളി​ന്റെ പാ​ർ​ക്കി​ങ് സ്ഥ​ല​ത്ത് നി​ർ​ത്തി​യി​ട്ട വാ​ഹ​ന​ങ്ങ​ൾ​ക്ക് തീ​പി​ടി​ച്ചു. ചൂ​ടു​കാ​ല​ത്ത് നി​ർ​ത്തി​യി​ട്ട​വ​യും ഓ​ടി​ക്കൊ​ണ്ടി​രി​ക്കെ​യും വാ​ഹ​ന​ങ്ങ​ൾ​ക്ക് തീ​പി​ടി​ക്കാ​റു​ണ്ട്. അ​ന്ത​രീ​ക്ഷ​വും വാ​ഹ​ന​ങ്ങ​ളും ചൂ​ടാ​യ​തി​നാ​ൽ ചെ​റി​യ അ​ശ്ര​ദ്ധ വ​ലി​യ അ​പ​ക​ട​ത്തി​ലേ​ക്ക് ന​യി​ക്കും.

നി​ർ​ത്തി​യി​ട്ട വാ​ഹ​ന​ത്തി​ന്​ തീ​പി​ടി​ച്ച്​ സ​മീ​പ​ത്തെ വാ​ഹ​ന​ങ്ങ​ളി​ലേ​ക്കും പ​ട​രു​ന്ന​തും പ​തി​വാ​ണ്. ഉ​യ​ർ​ന്ന അ​ന്ത​രീ​ക്ഷ ഊ​ഷ്മാ​വി​നൊ​പ്പം ചൂ​ടു​ള്ള കാ​റ്റും വീ​ശു​ന്ന​തു​മൂ​ലം ആ​ളി​പ്പ​ട​രു​ന്ന തീ ​നി​യ​ന്ത്ര​ണ​വി​ധേ​യ​മാ​ക്കു​ക പ്ര​യാ​സ​മാ​ണ്. വേ​ന​ൽ​കാ​ല​ത്ത് വാ​ഹ​ന​ങ്ങ​ളി​ൽ ശ്ര​ദ്ധ​വേ​ണ​മെ​ന്ന് അ​ധി​കൃ​ത​ർ നി​ര​ന്ത​രം ഉ​ണ​ർ​ത്താ​റു​ണ്ട്. അ​ശ്ര​ദ്ധ​യാ​ണ്​ വാ​ഹ​ന​ങ്ങ​ളി​ലെ തീ​പി​ടി​ത്ത​ത്തി​ന്​ പ​ല​പ്പോ​ഴും കാ​ര​ണം. വാ​ഹ​ന​ങ്ങ​ളി​ലെ സീ​റ്റു​ക​ളും മ​റ്റും തു​ണി​യും പ​ഞ്ഞി​യും കൊ​ണ്ടു​ണ്ടാ​ക്കു​ന്ന​താ​ണ്. ചെ​റി​യ തീ​പ്പൊ​രി മ​തി തീ​പ​ട​ർ​ന്ന്​ വ​ലി​യ അ​പ​ക​ടം ഉ​ണ്ടാ​വാ​ൻ.

ചി​ല കാ​ര്യ​ങ്ങ​ൾ ശ്ര​ദ്ധി​ച്ചാ​ൽ അ​പ​ക​ട​ങ്ങ​ളും സ്വ​ത്തി​നും ജീ​വ​നും ഭീ​ഷ​ണി ഉ​യ​രു​ന്ന​തും ഒ​ഴി​വാ​ക്കാം.

ത​ണ​ല​ത്ത്​ നി​ർ​ത്തി​യി​ടാം

വാ​ഹ​ന​ങ്ങ​ൾ സു​ര​ക്ഷി​ത​മാ​യ ഇ​ട​ങ്ങ​ളി​ലും മ​റ്റു വാ​ഹ​ന​ങ്ങ​ളി​ൽ​നി​ന്ന് നി​ശ്ചി​ത അ​ക​ലം പാ​ലി​ച്ചും നി​ർ​ത്തി​യി​ടാം.

നി​ർ​ത്തി​യി​ടു​ന്ന സ​മ​യ​ത്ത് ചി​ല്ല്​ അ​ൽ​പം​ തു​റ​ന്നു​വെ​ക്കു​ന്ന​ത്​ വാ​യു​സ​ഞ്ചാ​ര​ത്തി​ന്​ സ​ഹാ​യി​ക്കും.

വാ​ഹ​ന​ത്തി​ൽ സാ​ധ​ന​ങ്ങ​ൾ അ​ടു​ക്കും ചി​ട്ട​യു​മി​ല്ലാ​തെ അ​ശ്ര​ദ്ധ​മാ​യി വ​ലി​ച്ചു​വാ​രി​യി​ട​രു​ത്.

പെ​​ട്ടെ​ന്ന്​ തീ​പി​ടി​ക്കു​ന്ന വ​സ്തു​ക്ക​ളും വാ​ഹ​ന​ത്തി​ൽ സൂ​ക്ഷി​ക്ക​രു​ത്.

പു​ക​വ​ലി ഒ​ഴി​വാ​ക്കാം

വാ​ഹ​ന​ത്തി​ലി​രു​ന്ന്​ പു​ക​വ​ലി​ക്കു​ന്ന​ത് ഒ​ഴി​വാ​ക്ക​ണം. പു​ക​വ​ലി​ക്കാ​ൻ വേ​ണ്ടി ഗ്യാ​സ്​ ലൈ​റ്റ​ർ വാ​ഹ​ന​ത്തി​ൽ ക​രു​തു​ന്ന​തും​ അ​പ​ക​ട​മാ​ണ്.

എ​യ​ർ ഫ്ര​ഷ്​​ന​റും ചൂ​ടി​ൽ പൊ​ട്ടി​ത്തെ​റി​ക്കാ​ൻ​ സാ​ധ്യ​ത ഏ​​റെ​യാ​ണ്. പ​വ​ർ​ബാ​ങ്കും പോ​ർ​ട്ട​ബി​ൾ ചാ​ർ​ജ​റും പോ​ലെ​യു​ള്ള സാ​ധ​ന​ങ്ങ​ൾ വാ​ഹ​ന​ത്തി​ൽ വെ​ക്ക​രു​ത്.

പ​ക​ല്‍ സ​മ​യ​ത്ത് വെ​ള്ള​ക്കു​പ്പി​ക​ള്‍ കാ​റി​ല്‍ ഉ​പേ​ക്ഷി​ച്ചു പോ​കു​ന്ന​തും അ​പ​ക​ട​ത്തി​ന്​ കാ​ര​ണ​മാ​വും. സൂ​ര്യ കി​ര​ണ​ങ്ങ​ള്‍ വെ​ള്ള​ക്കു​പ്പി​യി​ല്‍ പ്ര​തി​ഫ​ലി​ക്കു​ക വ​ഴി കാ​റി​ല്‍ തീ ​പ​ട​രാ​ന്‍ സാ​ധ്യ​ത​യു​ണ്ട്.

അ​ഗ്​​നി​ശ​മ​ന ഉ​പ​ക​ര​ണ​ങ്ങ​ൾ ക​രു​തു​ക

അ​ഗ്​​നി​ശ​മ​ന ഉ​പ​ക​ര​ണ​ങ്ങ​ൾ വാ​ഹ​ന​ത്തി​ൽ ക​രു​തു​ന്ന​ത്​ സു​ര​ക്ഷ വ​ർ​ധി​പ്പി​ക്കും. വാ​ഹ​ന​ങ്ങ​ളി​ൽ ക​രി​യും പു​ക​യും കാ​ണു​ന്ന​തും ക​രി​ഞ്ഞ മ​ണ​വും പോ​ലെ​യു​ള്ള അ​ട​യാ​ള​ങ്ങ​ൾ അ​വ​ഗ​ണി​ക്ക​രു​ത്. ഇ​ത്ത​രം ഘ​ട്ട​ത്തി​ൽ ഉ​ട​ൻ വാ​ഹ​നം നി​ർ​ത്തി പ്ര​തി​രോ​ധ ന​ട​പ​ടി​ക​ൾ ആ​രം​ഭി​ക്ക​ണം.​

റേ​ഡി​യേ​റ്റ​റി​ൽ വെ​ള്ളം/ കൂ​ള​ർ​ ഉ​ണ്ടെ​ന്ന്​ ഉ​റ​പ്പാ​ക്ക​ണം. വാ​ഹ​നം തു​റ​ന്ന​യു​ട​നെ എ.​സി. പ്ര​വ​ർ​ത്തി​പ്പി​ക്കു​ന്ന​ത്​ ന​ല്ല​ത​ല്ല. അ​ൽ​പം തു​റ​ന്നു​വെ​ച്ച​ശേ​ഷം സ്റ്റാ​ർ​ട്ട്​ ചെ​യ്​​ത്​ ഓ​ടി​ത്തു​ട​ങ്ങു​​മ്പോ​ൾ പ്ര​വ​ർ​ത്തി​പ്പി​ക്ക​ലാ​ണ്​ ന​ല്ല​ത്.

ച​ക്ര​വും ശ്ര​ദ്ധി​ക്ക​ണം

ഓ​ടി​ക്കൊ​ണ്ടി​രി​ക്കെ ച​ക്രം പൊ​ട്ടി​ത്തെ​റി​ച്ചു​ണ്ടാ​വു​ന്ന അ​പ​ക​ട​ങ്ങ​ളും ചൂ​ടു​ക്കാ​ല​ത്ത് പ​തി​വാ​ണ്.

തേ​ഞ്ഞു​തീ​ർ​ന്ന ച​ക്ര​ങ്ങ​ൾ ഉ​ട​ന​ടി മാ​റ്റ​ണം. ച​​ക്ര​ങ്ങ​ൾ മാ​റ്റാ​തെ നീ​ട്ടി​വെ​ക്കു​ന്ന​ത്​ ജീ​വ​ന്​ ത​ന്നെ ഭീ​ഷ​ണി​യാ​വും. തി​ര​ക്കേ​റി​യ റോ​ഡു​ക​ളി​ൽ​ ച​ക്രം പൊ​ട്ടി വാ​ഹ​നം നി​യ​ന്ത്ര​ണം​വി​ട്ടാ​ൽ കൂ​ട്ട​യി​ടി​യാ​വും ഫ​ലം.

ഇ​ത്ത​രം വാ​ഹ​ന​ങ്ങ​ളു​മാ​യി മ​രു​ഭൂ​മി​യി​ലെ സ​ഞ്ചാ​ര​വും ഒ​ഴി​വാ​ക്ക​ണം. ച​ക്രം പൊ​ട്ടി മ​രു​ഭൂ​മി​യി​ൽ ഒ​റ്റ​പ്പെ​ട്ട്​ പോ​വാ​നു​ള്ള സാ​ധ്യ​ത ക​ണ​ക്കി​ലെ​ടു​ക്ക​ണം.