കുവൈത്ത് സിറ്റി: കുവൈത്തിൽ 37 ഇന്ത്യക്കാർ ഉൾപ്പെടെ 85 പേർക്ക് കൂടി കോവിഡ് സ്ഥിരീകരിച്ചു. രണ്ടുപേർ കൂടി മരിച ്ചു. സോമാലിയ, ബംഗ്ലാദേശ് പൗരന്മാരാണ് മരിച്ചത്. ഇതോടെ രാജ്യത്തെ കോവിഡ് മരണം 11 ആയി.
പുതിയ രോഗബാധിതരിൽ ഏഴുപേർ വിദേശത്തുനിന്ന് വന്ന കുവൈത്തികളും 72 പേർ നേരത്തെ വൈറസ് സ്ഥിരീകരിച്ചവരുമായി സമ്പർക്കം പുലർത്തിയവരുമ ാണ്. ആറുപേർക്ക് ഏതുവഴിയാണ് വൈറസ് ബാധിച്ചതെന്ന് കണ്ടെത്തിയിട്ടില്ല. ഇതോടെ കുവൈത്തിൽ കോവിഡ് സ്ഥിരീകരിച്ചവർ 2080 ആയി.
തിങ്കളാഴ്ച 45 പേർ ഉൾപ്പെടെ 412 പേർ രോഗമുക്തി നേടി. ബാക്കി 1657 പേരാണ് ചികിത്സയിലുള്ളത്. 46 പേർ തീവ്രപരിചരണ വിഭാഗത്തിൽ കഴിയുന്നു. ഇതിൽ 26 പേരുടെ നില ഗുരുതരമാണ്. ആറ് കുവൈത്തികൾ, 37 ഇന്ത്യക്കാർ, എട്ട് ബംഗ്ലാദേശികൾ, എട്ട് ഇൗജിപ്തുകാർ, അഞ്ച് സിറിയക്കാർ, നാല് പാകിസ്ഥാനികൾ, രണ്ട് ഇറാൻ പൗരന്മാർ, ഒരു ഫലസ്തീൻ പൗരൻ, ഒരു പോർച്ചുഗീസ് പൗരൻ എന്നിവർക്കാണ് നേരത്തെ സ്ഥിരീകരിച്ചവരുമായുള്ള സമ്പർക്കത്തിലൂടെ വൈറസ് ബാധിച്ചത്.
നാല് കുവൈത്തികൾ, ഒരു ജോർഡൻ പൗരൻ, ഒരു പാകിസ്ഥാനി എന്നിവർക്ക് വൈറസ് ബാധിച്ച വഴി കണ്ടെത്തിയിട്ടില്ല. യു.എ.ഇയിൽനിന്ന് വന്ന നാല് കുവൈത്തികൾ, ഖത്തറിൽനിന്ന് വന്ന രണ്ട് കുവൈത്തികൾ, ബഹ്റൈനിൽനിന്ന് വന്ന ഒരു കുവൈത്തി എന്നിവർക്കും കോവിഡ് സ്ഥിരീകരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.