കുവൈത്ത് സിറ്റി: 8 പേർക്ക് കൂടി വൈറസ് ബാധ സ്ഥിരീകരിച്ചതോടെ കുവൈത്തിൽ കോവിഡ് 19 ബാധിച്ചവരുടെ എണ്ണം 80 ആയി. നാല് പേർ അത്യാഹിത വിഭാഗത്തിൽ ചികിത്സയിലുണ്ട്. അഞ്ച് പേർക്ക് രോഗമില്ലെന്നും സ്ഥിരീകരിച്ചു.
വൈറസ് പ്രതിരോധ നടപടികളുടെ ഭാഗമായി കുവൈത്തിൽ കോഫി ഷോപ്പുകൾ, റെസ്റ്റാറൻറുകൾ, ഷോപ്പിങ് മാളുകൾ, ജിംനേഷ്യങ്ങൾ തുടങ്ങിവയെല്ലാം വ്യാഴാഴ്ച മുതൽ അടച്ചിടാൻ അധികൃതർ കഴിഞ്ഞദിവസം ഉത്തരവിട്ടിരുന്നു. കുവൈത്ത് അന്താരാഷ്ട്ര വിമാനത്താവളത്തിൽനിന്ന് മറ്റുരാജ്യങ്ങളിലേക്കും തിരിച്ചുമുള്ള കാർഗോഒഴികെയുള്ള എല്ലാ വിമാനങ്ങളും വെള്ളിയാഴ്ച മുതൽ നിർത്തിവെച്ചിരിക്കുകയാണ്.
വ്യാഴാഴ്ച മുതൽ മാർച്ച് 26 വരെ പൊതു അവധി പ്രഖ്യാപിച്ചു. സർക്കാർ ഒാഫിസുകൾ മാർച്ച് 27, 28 വെള്ളി, ശനി ദിവസങ്ങളിലെ വാരാന്ത്യ അവധി കൂടി കഴിഞ്ഞ് 29 ഞായറാഴ്ചയാണ് തുറന്നുപ്രവർത്തിക്കുക. സർക്കാർ വക്താവ് താരിഖ് അൽ മസ്റം ആണ് ഇക്കാര്യം അറിയിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.