കുവൈത്ത് സിറ്റി: പ്രക്ഷോഭങ്ങളുടെ പശ്ചാത്തലത്തിൽ പാരിസിലെയും മറ്റു ഫ്രഞ്ച് നഗരങ്ങളിലെയും കുവൈത്തികളോട് ജാഗ്രത പാലിക്കാനും ഒത്തുചേരലുകളിൽനിന്നും പ്രതിഷേധങ്ങളിൽനിന്നും വിട്ടുനിൽക്കാനും പാരിസിലെ കുവൈത്ത് എംബസി ആഹ്വാനം ചെയ്തു. ഫ്രഞ്ച് അധികൃതരുടെ നിർദേശങ്ങൾ പാലിക്കാനും അന്വേഷണങ്ങൾക്കും സഹായത്തിനും എംബസിയുമായി ബന്ധപ്പെടാനും എംബസി നിർദേശിച്ചു. അൽജീരിയന് -മൊറോക്കന് വംശജനായ നയീല് എന്ന പതിനേഴുകാരനെ പൊലീസ് വെടിവെച്ചു കൊന്നതിനു പിറകെയാണ് ഫ്രാൻസിൽ പ്രക്ഷോഭം പൊട്ടിപ്പുറപ്പെട്ടത്. ഫ്രാന്സിലെ വിവിധ നഗരങ്ങളില് പ്രതിഷേധക്കാർ പൊലീസുമായി ഏറ്റുമുട്ടി. പലയിടങ്ങളിലും കെട്ടിടങ്ങളും ബസുകളടക്കമുള്ള വാഹനങ്ങളും പ്രക്ഷോഭകർ തീയിട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.