കുവൈത്ത് സിറ്റി: ബംഗ്ലാദേശ് ക്രിക്കറ്റ് അസോസിയേഷൻ ചാമ്പ്യൻസ് ലീഗ് ടി-20 ക്രിക്കറ്റ് ടൂർണമെന്റിൽ റൈസിങ് സ്റ്റാർ ഗോൾഡ് ജേതാക്കൾ. ഫൈനലിൽ ബംഗ്ലാദേശ് ക്ലബായ മണിഗഞ്ജ് സ്പോർട്ടിങ് ക്ലബിനെതിരെ 13 റൺസിനാണ് റൈസിങ് സ്റ്റാർ ഗോൾഡിന്റെ വിജയം. ടോസ് നേടിയ റൈസിങ് സ്റ്റാർ ഗോൾഡ് ക്യാപ്റ്റൻ സുനിൽ മുസ്തഫ ബാറ്റിങ് തിരഞ്ഞെടുക്കുകയായിരുനു. നിശ്ചിത 20 ഓവറിൽ ഏഴ് വിക്കറ്റ് നഷ്ടത്തിൽ 225 റൺസ് നേടി.
മറുപടി ബാറ്റിങ്ങിനിറങ്ങിയ മണിഗഞ്ജ് സ്പോർട്ടിങ് 19.3 ഓവറിൽ 213 റൺസിന് എല്ലാവരും പുറത്തായി. റൈസിങ് സ്റ്റാർ ഗോൾഡിന് വേണ്ടി ഗിരീഷ് ചന്ദ്രൻ (67), അസീം (60), രാഹുൽ മുരളി (37) റൺസ് നേടി. സുനിൽ മുസ്തഫ (3), പ്രബോഷ് ലാൽ, രജീഷ് മുരളി (2) വീതവും രാഹുൽ ഗോപി, താരിഖ് ഉമർ എന്നിവർ ഓരോ വിക്കറ്റ് വീതവും നേടി. ഫൈനലിലെ മാൻ ഓഫ് ദ മാച്ചായി ഗിരീഷ് ചന്ദ്രനെ തിരഞ്ഞെടുത്തു.
വിജയികൾക്കുള്ള ട്രോഫിയും കാഷ് പ്രൈസും റൈസിങ് സ്റ്റാർ ഗോൾഡിന് വേണ്ടി ക്യാപ്റ്റൻ സുനിൽ മുസ്തഫയും ടീം മാനേജർ ബിജു കുര്യനും ചേർന്ന് ഏറ്റുവാങ്ങി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.