കുവൈത്ത് സിറ്റി: ഗസ്സയിലേക്ക് പോകുന്ന ജോർഡന്റെ മാനുഷിക സഹായ സംഘങ്ങൾക്ക് നേരെ ഇസ്രായേൽ കുടിയേറ്റക്കാർ നടത്തിയ ആക്രമണത്തെ കുവൈത്ത് അപലപിച്ചു. ഇത്തരം ആക്രമണങ്ങൾ ഒഴിവാക്കാനും അപലപിക്കാനും ഉത്തരവാദിത്തം ഏറ്റെടുക്കാനും അന്താരാഷ്ട്ര സമൂഹത്തോട് ആവശ്യപ്പെടുന്ന കുവൈത്തിന്റെ നിലപാട് കുവൈത്ത് വിദേശകാര്യ മന്ത്രാലയം ആവർത്തിച്ചു. ഇസ്രായേൽ അധിനിവേശ സൈന്യത്തിന്റെ തുടർച്ചയായ ആക്രമണങ്ങൾ മൂലം ഗസ്സയിൽ നടന്നുകൊണ്ടിരിക്കുന്ന മാനുഷിക ദുരന്തം തടയുന്നതിന് സഹായ വാഹനങ്ങളുടെ ഗതാഗതം, സഹായ വസ്തുക്കളുടെ വിതരണം എന്നിവ ഉറപ്പുവരുത്തണമെന്നും വിദേശകാര്യ മന്ത്രാലയം പ്രസ്താവനയിൽ ചൂണ്ടിക്കാട്ടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.