കുവൈത്ത് സിറ്റി: മലേഷ്യയിൽ നടക്കുന്ന 19ാമത് ഏഷ്യൻ കരാട്ടേ ചാമ്പ്യൻഷിപ്പിൽ കുവൈത്തിന് രണ്ടു മെഡൽ. ഒരു വെള്ളി, ഒരു വെങ്കലം എന്നിങ്ങനെയാണ് കുവൈത്തിന്റെ നേട്ടം. കാറ്റ വ്യക്തിഗത മത്സരത്തിൽ മുഹമ്മദ് ഹുസൈൻ വെള്ളി മെഡൽ നേടി. 75 കിലോയിൽ താഴെ ഭാരമുള്ള കുമിത്തെ മത്സരത്തിൽ ഉമർ അൽ ജാസിം വെങ്കല മെഡലും നേടി.
കാറ്റ വ്യക്തിഗത ഫൈനൽ മത്സരത്തിൽ മുഹമ്മദ് ഹുസൈൻ ശക്തമായി പോരാടിയെങ്കിലും ജാപ്പനീസ് എതിരാളിക്ക് മേൽക്കൈ ലഭിക്കുകയായിരുന്നു. മലേഷ്യയിലെ മെലാക സിറ്റിയിലാണ് ചാമ്പ്യൻഷിപ് നടക്കുന്നത്. ഏഷ്യൻ കരാട്ടേ ചാമ്പ്യൻഷിപ്പ് 19ാമത് എഡിഷനിൽ 31 രാജ്യങ്ങളിൽ നിന്നുള്ള 400 കായികതാരങ്ങൾ പങ്കെടുക്കുന്നുണ്ട്. ഞായറാഴ്ച സമാപിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.