കുവൈത്ത് സിറ്റി: ഉസ്ബെകിസ്താനിൽ നടന്ന ഏഷ്യൻ കരാട്ടേ ഫെഡറേഷൻ (എ.എഫ്.കെ) ചാമ്പ്യൻഷിപ്പിൽ കുവൈത്തിന് മൂന്ന് മെഡലുകൾ. അണ്ടർ 63 കിലോഗ്രാം ആൺ വിഭാഗത്തിൽ മൗസ അൽ മുതൈരി ഒന്നാം സ്ഥാനം നേടി സ്വർണമെഡൽ സ്വന്തമാക്കി. ആൺകുട്ടികളുടെ അണ്ടർ 52 കിലോഗ്രാം മത്സരത്തിൽ എസ്സ അൽ മുതൈരിയുടെ വെങ്കല മെഡലും കുവൈത്തിന്റെ വിജയക്കുതിപ്പിൽ ഉൾപ്പെടുന്നു.
ആൺകുട്ടികളുടെ അണ്ടർ 57 കിലോയിൽ ഫഹദ് അൽ ആസ്മിയും വെങ്കല മെഡൽ നേടി. ഈ വിജയങ്ങൾ വലിയ നേട്ടമാണെന്ന് കുവൈത്ത് കരാട്ടേ ഫെഡറേഷൻ മേധാവി മുഹമ്മദ് ജാസിം പറഞ്ഞു. സ്കൂൾ പരീക്ഷകൾ കാരണം കൂടുതൽ മികവാർന്ന പ്രകടനം ഉണ്ടായില്ലെന്നും അദ്ദേഹം ചൂണ്ടിക്കാട്ടി. വിജയികൾക്കും സംഘാടകർക്കും മുഹമ്മദ് ജാസിം നന്ദി പറഞ്ഞു. മത്സരാർഥികൾക്ക് വിജയം തുടരാൻ കഴിയുമെന്ന് പ്രതീക്ഷയുണ്ടെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.