മാഗ്നറ്റിനുള്ള ഉപഹാരം കേന്ദ്ര വർക്കിങ് പ്രസിഡന്റ് കെ.സി. റഫീഖ് ഏറ്റുവാങ്ങുന്നു
കുവൈത്ത് സിറ്റി: കുവൈത്ത് കേരള മുസ്ലിം അസോസിയേഷൻ (കെ.കെ.എം.എ) സന്നദ്ധ സേവന വിഭാഗമായ മാഗ്നറ്റിന് കുവൈത്ത് അൽ സായർ കമ്പനി മാനേജ്മെന്റിന്റെ ആദരവ്. അൽ സായർ ജനറൽ മാനേജർ സഹീദ് മുഹമ്മദ് തായ അൽ ശുറാഫയിൽ നിന്ന് കെ.കെ.എം.എ.എ കേന്ദ്ര വർക്കിങ് പ്രസിഡന്റ് കെ.സി. റഫീഖ് ആദരവ് ഏറ്റുവാങ്ങി. അൽ സായർ മാനേജർമാരായ രാജീവ് രാജൻ, ഷെക്കീർ ഇബ്രാഹിം, സയ്യിദ് മുഹമ്മദ് സുൽഫിക്കർ എന്നിവർ പങ്കെടുത്തു.
മാഗ്നറ്റ് കേന്ദ്ര വൈസ് പ്രസിഡന്റ് ടി. ഫിറോസ്, ഫർവാനിയ സോൺ പ്രസിഡന്റ് പി.പി.പി. സലീം, ഫർവാനിയ ബ്രാഞ്ച് പ്രസിഡന്റ് സജ്ബീർ കാപ്പാട് എന്നിവർ പങ്കെടുത്തു.
മാഗ്നറ്റിന്റെ സാമൂഹിക ഉത്തരവാദിത്ത പ്രവർത്തനങ്ങൾക്കുള്ള അംഗീകാരമായി ആദരവിനെ കാണുന്നതായി ഭാരവാഹികൾ പറഞ്ഞു. സമൂഹത്തിന്റെ പിന്തുണയോടെ കൂടുതൽ വിപുലമായ സേവന പ്രവർത്തനങ്ങൾ തുടരുമെന്നും വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.