കുവൈത്ത് സിറ്റി: ഇറാനില്നിന്ന് ഇറക്കുമതി ചെയ്യുന്ന ആപ്പിളുകള് വിതരണം ചെയ്യുന്നത് താൽക്കാലികമായി നിര്ത് തിവെച്ചതായി സബാഹ് അല് അഹ്മദ് സിറ്റി കോഒാപറേറ്റിവ് സൊസൈറ്റി പ്രഖ്യാപിച്ചു.
ആപ്പിള് പൊതിഞ്ഞ കാര്ട്ടണുകള്ക്കുള്ളില് ഖുര്ആനിെൻറ പേജുകള് കണ്ടെത്തിയതിനെ തുടര്ന്നാണ് നടപടി. റിഖ, മന്ഗഫ്, സബാഹിയ്യ സഹകരണ സംഘങ്ങളും ഇത്തരമൊരു തീരുമാനം എടുത്തതായി പ്രാദേശിക പത്രം റിപ്പോര്ട്ട് ചെയ്തു.
അടുത്തൊരു അറിയിപ്പ് ഉണ്ടാകുന്നതുവരെ വിലക്ക് തുടരും. അതിനിടെ, ഖുർആൻ പേജുകൾ സാധനങ്ങൾ പൊതിയാൻ ഉപയോഗിച്ചത് കണ്ടെത്തിയ പശ്ചാത്തലത്തിൽ രാജ്യത്തെ വിവിധ ഭാഗങ്ങളിലേക്ക് പരിശോധന വ്യാപിപ്പിക്കുമെന്ന് വാണിജ്യ വകുപ്പ് അറിയിച്ചു. പിടിച്ചെടുത്ത ആപ്പിള് കാര്ട്ടണുകള് ബന്ധപ്പെട്ട വകുപ്പിലേക്കയച്ചിട്ടുണ്ടെന്നും അധികൃതര് കൂട്ടിച്ചേര്ത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.