കുവൈത്ത് സിറ്റി: ജല കായിക വിനോദങ്ങളുടെ അന്താരാഷ്ട്ര സംഘടനയായ 'ഫിന' പ്രസിഡൻറായി തെരഞ്ഞെടുക്കപ്പെട്ട ഹുസൈൻ അൽ മുസല്ലമിനെ കുവൈത്ത് അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹ് അഭിനന്ദിച്ചു.
നീന്തൽ, വാട്ടർ പോളോ, ഡൈവിങ്, ആർട്ടിസ്റ്റിക് സ്വിമ്മിങ്, ഒാപൺ വാട്ടർ, ഹൈ ഡൈവിങ് തുടങ്ങിയ കായിക ഇനങ്ങളുടെ ഭരണ സമിതിയാണ് ഫിന. അന്താരാഷ്ട്ര ഒളിമ്പിക് കമ്മിറ്റിയുടെ കീഴിലാണ് ഇത് പ്രവർത്തിക്കുന്നത്.
സംഘടനയെ മികച്ച രീതിയിൽ നയിക്കാനും കുവൈത്തിനും മേഖലക്കും ബന്ധപ്പെട്ട കായിക ഇനങ്ങൾക്കും നേട്ടമുണ്ടാക്കാനും കഴിയെട്ടയെന്ന് അമീർ ആശംസിച്ചു. ഖത്തറിലെ ദോഹയിൽ നടന്ന ജനറൽ കോൺഗ്രസിലാണ് ഇദ്ദേഹത്തെ തെരഞ്ഞെടുത്തത്.
വിവേചനമില്ലാതെയും ഒരുമയോടെയും ഭരണചെലവ് കുറച്ചും കായികതാരങ്ങൾക്ക് പിന്തുണ നൽകിയും സംഘടനയെ നയിക്കുമെന്ന് ഹുസൈൻ അൽ മുസല്ലം തെരഞ്ഞെടുക്കപ്പെട്ടതിന് ശേഷം വ്യക്തമാക്കിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.