സൂഖ് മുബാറകിയ
കുവൈത്ത് സിറ്റി: കുവൈത്ത് സിറ്റിയിലെ പുരാതന വാണിജ്യകേന്ദ്രമായ സൂഖ് മുബാറകിയക്കു പിന്നിൽ ഖിബ്ല പരിസരത്ത് സുരക്ഷ ബൂത്ത് നിർമിക്കും. കിയോസ്ക് നിർമിക്കാൻ സ്ഥലം അനുവദിക്കണമെന്ന് ആഭ്യന്തര മന്ത്രാലയം വാണിജ്യ മന്ത്രാലയത്തോട് അഭ്യർഥിച്ചു. വാണിജ്യ മന്ത്രാലയം ഇതിന് അനുകൂലമാണെന്നാണ് റിപ്പോർട്ട്.
മുനിസിപ്പാലിറ്റിയും അനുകൂലമായി പ്രതികരിച്ചിട്ടുണ്ട്. ആവശ്യാനുസരണം നീക്കംചെയ്യാവുന്ന ഭാരംകുറഞ്ഞ വസ്തുക്കൾ കൊണ്ടുള്ള താൽക്കാലിക കിയോസ്ക് നിർമിക്കാമെന്ന നിർദേശമാണ് മുനിസിപ്പാലിറ്റി മുന്നോട്ടുവെച്ചത്. പൊലീസിനും ഇത് മതിയാകും. പട്രോളിലുള്ള ഉദ്യോഗസ്ഥർക്ക് വിശ്രമിക്കാനും പ്രദേശത്തെ സുരക്ഷ പരിശോധനക്ക് മേൽനോട്ടം വഹിക്കാനും ഒരു കേന്ദ്രം എന്നനിലയിലാണ് കിയോസ്ക് നിർമിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.