കുവൈത്ത് സിറ്റി: അലുംമ്നി അസോസിയേഷന് ഓഫ് സെന്റ ് സ്റ്റീഫന്സ് കോളജ് ഉഴവൂര് കുവൈത്ത് ചാപ്റ്റര് (അല്മാസ് കുവൈത്ത്) കുട്ടികള്ക്കായി ബാലദീപ്തി -2017 സംഘടിപ്പിച്ചു. അബ്ബാസിയ പോപ്പിന്സ് ഹാളില് ബാല പ്രതിഭ റീവാ മരിയ ഭദ്രദീപം കൊളുത്തി ഉദ്ഘാടനം നിര്വഹിച്ചു.
ചെയര്മാന് റെനി അബ്രാഹാം അധ്യക്ഷത വഹിച്ചു. അനില്, ഷൈജു, സിബി ജോണ്, നിഥിന് ജോര്ജ് എന്നിവര് സംസാരിച്ചു. ജിജോ തോമസ് സ്വാഗതം പറഞ്ഞു. ബാലദീപ്തി പ്രോഗ്രാം കണ്വീനര് അരുണ്കുമാര് മാടപ്പള്ളിലിന്െറ നേതൃത്വത്തില് കുട്ടികള്ക്കായി വിവിധ കലാമത്സരങ്ങള് നടത്തുകയും സമ്മാനങ്ങള് വിതരണം ചെയ്യുകയും ചെയ്തു.
ലീഡ് യുവേഴ്സ് സെല്ഫ് വിഷയത്തില് യുവ ഇന്ത്യയുടെ ചീഫ് കോഓഡിനേറ്റര് ആര്. രൂപേഷ് പരിശീലനക്കളരി നയിച്ചു. കുട്ടികള് തന്നെ നയിച്ച ക്വിസ് മത്സരം വിജ്ഞാനപ്രദമായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.