കുവൈത്ത് സിറ്റി: കുവൈത്തിൽ ചൊവ്വാഴ്ച പത്ത് ഇന്ത്യക്കാർ ഉൾപ്പെടെ 23 പേർക്ക് കൂടി കോവിഡ് സ്ഥിരീകരിച്ചു. ആദ്യമായാണ് ഇത്രയും പേർക്ക് ഒരുദിവസം രാജ്യത്ത് വൈറസ് സ്ഥിരീകരിക്കുന്നത്. ഇതോടെ ആകെ കോവിഡ് ബാധിതരുടെ എണ്ണം 289 ആയി. 82കാരിയായ സ്വദേശി കൂടി രോഗമുക്തി നേടിയതോടെ രോഗമുക്തരുടെ എണ്ണം 73 ആയി. ബാക്കി 216 പേർ ചികിത്സയിലാണ്.
വൈറസ് ബാധിതരായ ഇന്ത്യക്കാർ 35 ആയി. ബ്രിട്ടനിൽനിന്ന് വന്ന മൂന്ന് സ്വദേശികൾ, ഇറാനിൽനിന്ന് വന്ന രണ്ട് സ്വദേശികൾ, ഫ്രാൻസിൽനിന്ന് വന്ന മൂന്ന് സ്വദേശികൾ, സൗദിയിൽനിന്ന് വന്നവരുമായി സമ്പർക്കം പുലർത്തിയ മൂന്ന് സ്വദേശികൾ, അസർബൈജാനിൽനിന്ന് വന്നയാളുമായി സമ്പർക്കം പുലർത്തിയ മൂന്ന് ഇന്ത്യക്കാർ, ജോർഡനിൽനിന്ന് വന്നവരുമായി സമ്പർക്കം പുലർത്തിയ മൂന്ന് ഇന്ത്യക്കാർ, രോഗബാധിതരുമായി സമ്പർക്കം പുലർത്തിയ നാല് ഇന്ത്യക്കാർ, രോഗബാധിതരുമായി സമ്പർക്കം പുലർത്തിയ ബംഗ്ലാദേശി, രോഗം വന്ന വഴി കണ്ടെത്തിയിട്ടില്ലാത്ത ബംഗ്ലാദേശി എന്നിവർക്കാണ് ചൊവ്വാഴ്ച കോവിഡ് സ്ഥിരീകരിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.