മനാമ: ബഹ്റൈനിലെ ജീവകാരുണ്യ സംഘടനയായ തലശ്ശേരി മാഹി കൾച്ചറൽ അസോസിയേഷൻ -(ടി.എം.സി.എ) സൽമാനിയ മെഡിക്കൽ കോംപ്ലക്സുമായി സഹകരിച്ച് ജൂൺ 26ന് രണ്ടാമത് രക്തദാന ക്യാമ്പ് നടത്താൻ തീരുമാനിച്ചു. മനാമയിലെ വെഞ്ചൂറ ബിൽഡിങ്ങിൽ നടത്തിയ എക്സിക്യൂട്ടീവ് യോഗത്തിൽ പ്രസിഡന്റ് ഷംസുദ്ദീൻ വി.പി അധ്യക്ഷതവഹിച്ചു.
സെക്രട്ടറി നവാസിന്റെ സ്വാഗത പ്രസംഗത്തോടെ ആരംഭിച്ച യോഗത്തിൽ ട്രഷറർ അഫ്സൽ, രക്ഷാധികാരികളായ ഫുവാദ്, സാദിക്ക്, മറ്റ് എക്സിക്യുട്ടിവ് അംഗങ്ങളായ ഫിറോസ് മാഹി, റെഹീസ് മുഹമ്മദ്, ഫിറോസ് വി.കെ എന്നിവർ സംസാരിച്ചു. രക്തദാന ക്യാമ്പിന്റെ ജനറൽ കൺവീനറായി ഫിറോസ് മാഹീയെയും കൺവീനർമാരായി ഫിറോസ് വി.കെ, റഹീസ് മുഹമ്മദ് എന്നിവരെയും തെരഞ്ഞെടുത്തു. സാജിദ് ചൊക്ലി നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.