സിംസ് പ്രോഗ്രാം കമ്മിറ്റി അംഗങ്ങൾ
മനാമ: സിംസ് രജതജൂബിലി ആഘോഷങ്ങളുടെ ഭാഗമായി സിംസ് കുടുംബങ്ങളുടെ മഹാ ഒത്തുചേരൽ ‘രജതാരവം’ ഫെബ്രുവരി 14ന് അദാരിയിലെ ന്യൂ സീസൺ ഹാളിൽ വെച്ച് നടക്കുന്നു. ചടങ്ങിൽ മുൻകാല ഭാരവാഹികളെ ആദരിക്കും. ഫാ. ജോളി വടക്കൻ മുഖ്യാതിഥിയാകും. സിംസ് അംഗങ്ങളെയും വിവാഹ ജീവിതത്തിൽ 25 വർഷങ്ങൾ പിന്നിടുന്ന ദമ്പതികളെയും ആദരിക്കും.
രജതജൂബിലി ജനറൽ കൺവീനർ പോൾ ഉറുവത്ത്, പ്രഥമ പ്രസിഡന്റ് ജോസഫ് കെ. തോമസ്, ബെന്നി വർഗീസ്, ജേക്കബ് വാഴപ്പിള്ളി, ജിമ്മി ജോസഫ് തുടങ്ങിയവർ സംസാരിക്കും. സിംസ് മ്യൂസിക് ക്ലബ് അവതരിപ്പിക്കുന്ന ‘ഗാനസ്മൃതി’, വിവിധ ആദ്യകാല കത്തോലിക്ക കലാരൂപങ്ങളും ചടങ്ങിന്റെ ഭാഗമായി അരങ്ങേറും. ജോബി ജോസഫ്, ജെയ്സൺ മഞ്ഞളി, ഷാജി സെബാസ്റ്റ്യൻ, സോബിൻ ജോസ്, പ്രേംജി ജോൺ, സിബു ജോർജ്, ജസ്റ്റിൻ ഡേവിസ് തുടങ്ങിയവർ രജതാരവ പരിപാടികൾക്ക് നേതൃത്വം നൽകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.