50ാമത് ദേശീയദിനാഘോഷത്തിെൻറ ഭാഗമായി ഒ.െഎ.സി.സി സംഘടിപ്പിച്ച കുടുംബസംഗമത്തിൽനിന്ന്
മനാമ: ബഹ്റൈൻ ഒ.ഐ.സി.സി ദേശീയ കമ്മിറ്റി 50ാമത് ദേശീയദിനാഘോഷവും കുടുംബസംഗമവും സംഘടിപ്പിച്ചു. കരാനാ ബീച്ച് ഗാർഡനിൽ നടന്ന ആഘോഷ ചടങ്ങിൽ ഒ.ഐ.സി.സി നേതാക്കളും പ്രവർത്തകരും കുടുംബാഗങ്ങളും പങ്കെടുത്തു.
ബഹ്റൈൻ കേരളീയ സമാജം പ്രസിഡൻറ് പി.വി. രാധാകൃഷ്ണ പിള്ള ഉദ്ഘാടനം ചെയ്തു. ഒ.ഐ.സി.സി ദേശീയ പ്രസിഡൻറ് ബിനു കുന്നന്താനം അധ്യക്ഷത വഹിച്ചു. ഗ്ലോബൽ ജനറൽ സെക്രട്ടറി രാജു കല്ലുംപുറം മുഖ്യപ്രഭാഷണം നിർവഹിച്ചു. ചടങ്ങിൽ രാജു കല്ലുംപുറം, പ്രമുഖ സാമൂഹിക പ്രവർത്തകനും ഒ.ഐ.സി.സി മലപ്പുറം ജില്ല പ്രസിഡൻറുമായ ചെമ്പൻ ജലാൽ എന്നിവരെ ആദരിച്ചു.
നിരവധി കല-കായിക പരിപാടികളും ആഘോഷത്തോടനുബന്ധിച്ച് സംഘടിപ്പിച്ചിരുന്നു. സമാപന സമ്മേളനം ഐ.സി.ആർ.എഫ് ചെയർമാൻ ഡോ. ബാബു രാമചന്ദ്രൻ നിർവഹിച്ചു. ഇന്ത്യൻ ക്ലബ് പ്രസിഡൻറ് കെ.എം. ചെറിയാൻ, ഫ്രൻഡ്സ് സോഷ്യൽ അസോസിയേഷൻ പ്രസിഡൻറ് ജമാൽ നദ്വി ഇരിങ്ങൽ, മീഡിയവൺ ചീഫ് റിപ്പോർട്ടർ സിറാജ് പള്ളിക്കര, ഒ.ഐ.സി.സി ജനറൽ സെക്രട്ടറി ബോബി പാറയിൽ, കെ.എം.സി.സി സെക്രട്ടറി മുസ്തഫ, ഇസ്ഹാഖ്, ദേശീയ കമ്മിറ്റി അംഗം ജേക്കബ് തേക്കുതോട്, ദേശീയ ജനറൽ സെക്രട്ടറി ഗഫൂർ ഉണ്ണികുളം എന്നിവർ സംസാരിച്ചു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.