പ്രിൻസ് സൽമാൻ ബിൻ ഹമദ് ആൽ ഖലീഫ, ബിന്യമിൻ നെതന്യാഹു
മനാമ: കിരീടാവകാശിയും ഒന്നാം ഉപപ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് ആൽ ഖലീഫയും ഇസ്രായേൽ പ്രധാനമന്ത്രി ബിന്യമിൻ നെതന്യാഹുവും ടെലിഫോണിൽ സംഭാഷണം നടത്തി. ബഹ്റൈനും ഇസ്രായേലും തമ്മിൽ നയതന്ത്രബന്ധം ആരംഭിക്കാൻ തീരുമാനിച്ചതിനു പിന്നാലെയാണ് ഇരുവരും ചർച്ച നടത്തിയത്. മേഖലയിലും അന്താരാഷ്ട്ര തലത്തിലും സുസ്ഥിരത ഉറപ്പുവരുത്തേണ്ടതിെൻറ പ്രധാന്യം കിരീടാവകാശി ഉൗന്നിപ്പറഞ്ഞു. മേഖലയിൽ സമാധാനത്തിനുള്ള ശ്രമങ്ങൾ ശക്തമാക്കണം.
ബഹ്റൈനും ഇസ്രായേലും തമ്മിൽ സമാധാന പ്രഖ്യാപനത്തിൽ ഒപ്പിട്ടത് മേഖലയിലെ സുരക്ഷയും സുസ്ഥിരതയും പുരോഗതിയും ശക്തിപ്പെടുത്തുമെന്നും കിരീടാവകാശി കൂട്ടിച്ചേർത്തു. ഉഭയകക്ഷി സഹകരണത്തിനുള്ള സാധ്യതകളും മേഖലയിലെയും അന്താരാഷ്ട്ര തലത്തിലെയും സംഭവവികാസങ്ങളും ഇരുവരും ചർച്ച ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.