മനാമ: പുതിയ യൂനിവേഴ്സിറ്റിക്ക് ബഹ്റൈനിൽ പ്രവർത്തനാനുമതി നൽകാൻ കഴിഞ്ഞ ദിവസം ചേർന്ന ഉന്നത വിദ്യാഭ്യാസ സമിതി യോഗത്തിൽ തീരുമാനിച്ചു. ബ്രിട്ടൺ കേന്ദ്രമായി പ്രവർത്തിക്കുന്ന സ്ട്രാത്ക്ലൈഡ് യൂനിവേഴ്സിറ്റിക്കാണ് അംഗീകാരം നൽകാൻ തീരുമാനിച്ചിട്ടുള്ളത്.
വിദ്യാഭ്യാസമന്ത്രി ഡോ. മുഹമ്മദ് ബിൻ മുബാറക് ജുമുഅയുടെ അധ്യക്ഷതയിൽ ചേർന്ന യോഗത്തിലാണ് യൂനിവേഴ്സിറ്റിയുടെ ശാഖ ബഹ്റൈനിൽ തുറക്കുന്നതിന് അംഗീകാരം നൽകാൻ തീരുമാനിച്ചത്.
മൂന്ന് കോളജുകളാണ് കീഴിൽ പ്രവർത്തിക്കുക. ബിസിനസ് അഡ്മിനിസ്ട്രേഷൻ, എൻജിനീയറിങ്, സയൻസ് എന്നിവയുടെ എട്ട് കോഴ്സുകളാണ് ഇവിടെ നടക്കുക. ആവശ്യമായ അക്കാദമിക, സാമ്പത്തിക, അടിസ്ഥാന സൗകര്യങ്ങളും സംവിധാനങ്ങളും യൂനിവേഴ്സിറ്റി ഒരുക്കിയതായി ഉറപ്പാക്കിയിട്ടുണ്ട്. ഉന്നത വിദ്യാഭ്യാസ മേഖലക്ക് കരുത്ത് പകരാൻ യൂനിവേഴ്സിറ്റിക്ക് സാധ്യമാകുമെന്നും യോഗം പ്രത്യാശ പ്രകടിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.