മനാമ: സെന്റ് മേരീസ് ഇന്ത്യൻ ഓർത്തഡോക്സ് കത്തീഡ്രലിലെ യുവജന വിഭാഗമായ സെന്റ് തോമസ് ഓർത്തഡോക്സ് ക്രൈസ്തവ യുവജന പ്രസ്ഥാനത്തിന്റെ വജ്ര ജൂബിലി ആഘോഷങ്ങൾ സമാപിച്ചു. കെ.സി.എ ഹാളിൽ നടന്ന സമാപന സമ്മേളനം മലങ്കര ഓർത്തഡോക്സ് സഭയുടെ കൊൽക്കത്ത ഭദ്രാസനാധിപനും സൺഡേ സ്കൂൾ പ്രസിഡന്റുമായ അലക്സിയോസ് മാർ യൗസേബിയോസ് മെത്രാപ്പോലീത്ത ഉദ്ഘാടനം ചെയ്തു. ബഹ്റൈൻ യുവജന പ്രസ്ഥാനത്തിന്റെ പ്രവർത്തനങ്ങളെ അദ്ദേഹം അഭിനന്ദിച്ചു.
യുവജന പ്രസ്ഥാനം പ്രസിഡന്റും കത്തീഡ്രൽ വികാരിയുമായ ഫാ. പോൾ മാത്യു അധ്യക്ഷത വഹിച്ചു. വൈസ് പ്രസിഡന്റും വജ്ര ജൂബിലി ജനറൽ കൺവീനറുമായ ക്രിസ്റ്റി പി. വർഗീസ് ജൂബിലി ആഘോഷങ്ങളെ കുറിച്ച് സംസാരിച്ചു. വൈസ് പ്രസിഡന്റും സഹ വികാരിയുമായ ഫാ. സുനിൽ കുര്യൻ ബേബി, സെക്രട്ടറി ബെന്നി വർക്കി, ഇന്ത്യൻ സ്കൂൾ എക്സിക്യൂട്ടിവ് കമ്മിറ്റി അംഗവും കത്തീഡ്രൽ അംഗവുമായ അഡ്വ. ബിനു മണ്ണിൽ, യുവജന പ്രസ്ഥാനം ട്രഷറർ ഷിജു സി. ജോർജ് എന്നിവർ സംസാരിച്ചു. പാരമ്പര്യ ക്രിസ്തീയ കലാരൂപമായ മാർഗംകളി, വജ്ര ജൂബിലി തീം സോങ്, കുട്ടികളുടെയും മുതിർന്നവരുടെയും ഡാൻസുകൾ, മ്യൂസിക്കൽ ഫ്യൂഷൻ, സ്റ്റാൻഡ്-അപ്പ് കോമഡി, മ്യൂസിക്കൽ മാഷപ്പ്, പാട്ടുകൾ എന്നിവ സമാപന സമ്മേളനത്തിൽ അവതരിപ്പിച്ചു.
ആഘോഷ പരിപാടികളുടെ വിവിധ തലങ്ങളിൽ പ്രവർത്തിച്ച വജ്ര ജൂബിലി കമ്മിറ്റി അംഗങ്ങളെയും സഹകരിച്ച എല്ലാവരെയും വിവിധ മത്സരങ്ങളിൽ വിജയികളായവരെയും ചടങ്ങിൽ ആദരിച്ചു. യുവജനപ്രസ്ഥാനം സെക്രട്ടറിയും വജ്ര ജൂബിലി പബ്ലിസിറ്റി കൺവീനറുമായ അജി ചാക്കോ പാറയിൽ സ്വാഗതവും വജ്ര ജൂബിലി പ്രോഗ്രാം കൺവീനർ ജിനു ചെറിയാൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.