മു​ഹ​റ​ഖ് റി​ങ് റോ​ഡി​ൽ സ്പീ​ഡ് കാ​മ​റ സ്ഥാ​പി​ക്കാ​ൻ നി​ർ​ദേ​ശം

മ​നാ​മ: അ​ശ്ര​ദ്ധ​മാ​യ ഡ്രൈ​വി​ങ്ങും റേ​സി​ങ്ങും ശ്ര​ദ്ധ​യി​ൽ​പ്പെ​ട്ട പു​തു​താ​യി തു​റ​ന്ന മു​ഹ​റ​ഖ് റി​ങ് റോ​ഡി​ൽ സ്പീ​ഡ് കാ​മ​റ സ്ഥാ​പി​ക്കാ​ൻ നി​ർ​ദേ​ശ​വു​മാ​യി കൗ​ൺ​സി​ല​ർ​മാ​ർ. രാ​ത്രി​കാ​ല​ങ്ങ​ളി​ൽ യു​വാ​ക്ക​ൾ റി​ങ് റോ​ഡി​ൽ അ​ശ്ര​ദ്ധ​മാ​യ രീ​തി​യി​ൽ വാ​ഹ​ന​മോ​ടി​ക്കു​ന്ന​തും റേ​സി​ങ് ന​ട​ത്തു​ന്ന​തും പ​തി​വാ​ണ്. അ​തി​ന്‍റെ അ​പ​ക​ട സാ​ധ്യ​ത മു​ന്നി​ൽ​ക്ക​ണ്ടാ​ണ് നി​ർ​ദേ​ശം.

ഡ്രൈ​വ​ർ​മാ​ർ അ​നൗ​ദ്യോ​ഗി​ക റേ​സി​ങ് ട്രാ​ക്കാ​യാ​ണ് നി​ല​വി​ൽ മു​ഹ​റ​ഖ് റി​ങ് റോ​ഡി​നെ ക​ണ​ക്കാ​ക്കു​ന്ന​തെ​ന്നും ഇ​ത് അ​വ​രു​ടെ​യും മ​റ്റു​ള്ള യാ​ത്ര​ക്കാ​രു​ടെ​യും ജീ​വ​ന് ആ​പ​ത്താ​ണെ​ന്നും മു​ഹ​റ​ഖ് മു​നി​സി​പ്പ​ൽ കൗ​ൺ​സി​ൽ ടെ​ക്നി​ക്ക​ൽ ക​മ്മി​റ്റി ചെ​യ​ർ​മാ​ൻ ഫ​ദേ​ൽ അ​ൽ ഔ​ദ് പ​റ​ഞ്ഞു.

ഇ​ത്ത​രം അ​ശ്ര​ദ്ധ​പ​ര​മാ​യ പ്ര​വ​ണ​ത​യെ ത​ട​യാ​നും പൊ​തു​സു​ര​ക്ഷ ഉ​റ​പ്പാ​ക്കാ​നു​മാ​ണ് സ്പീ​ഡ് കാ​മ​റ​ക​ൾ സ്ഥാ​പി​ക്കു​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. കൂ​ടാ​തെ അ​പ​ക​ട​ക​ര​മാ​യ രീ​തി​യി​ൽ വാ​ഹ​ന​മോ​ടി​ക്കു​ന്ന​വ​ർ​ക്കെ​തി​രെ ട്രാ​ഫി​ക് നി​യ​മ​ങ്ങ​ൾ ക​ർ​ശ​ന​മാ​യി ന​ട​പ്പാ​ക്കു​മെ​ന്നും കൗ​ൺ​സി​ല​ർ​മാ​രു​ടെ വാ​രാ​ന്ത്യ യോ​ഗ​ത്തി​ൽ അ​ദ്ദേ​ഹം ചൂ​ണ്ടി​ക്കാ​ട്ടി.