മനാമ: സുശക്തമായ സമൂഹ നിർമിതിയാണ് വിവിധ ക്ഷേമപ്രവർത്തനങ്ങളുടെ ലക്ഷ്യമെന്ന് പ്രധാനമന്ത്രി പ്രിൻസ് ഖലീഫ ബിൻ സൽമാൻ ആൽ ഖലീഫ പറഞ്ഞു. ഇതിനായി സുരക്ഷയും സ്ഥിരതയും ഉറപ്പാക്കേണ്ടതുണ്ട്. ജനാഭിലാഷത്തിനനുസരിച്ച് ജീവിത നിലവാരം ഉയർത്താനുള്ള നടപടികളുമായി മുന്നോട്ട് പോകുമെന്നും അദ്ദേഹം പറഞ്ഞു. ഗുദൈബിയ പാലസിൽ രാജ്യത്തെ പൗരപ്രമുഖരെ സ്വീകരിച്ച് സംസാരിക്കുകയായിരുന്നു പ്രധാനമന്ത്രി.
പ്രാദേശികവും ദേശീയ പ്രാധാന്യമുള്ളതുമായ വിഷയങ്ങൾ കൂടിക്കാഴ്ചയിൽ ചർച്ചയായി. ബഹ്റൈനിലെ വിവിധ മേഖലകളിലുള്ള ജനങ്ങളുടെ പ്രശ്നങ്ങൾക്ക് സർക്കാർ കാതോർക്കുമെന്ന് പ്രധാനമന്ത്രി പറഞ്ഞു. ഇതിനായി തുടർനടപടികൾ സ്വീകരിക്കും. ജനങ്ങളുടെ പ്രശ്നങ്ങൾ അറിയാൻ വിവിധ മേഖലകൾ സന്ദർശിക്കണമെന്ന് മന്ത്രിമാർക്ക് നിർദേശം നൽകിയ കാര്യം അദ്ദേഹം ഒാർമിപ്പിച്ചു.
ടൂറിസം രംഗത്ത് കൂടുതൽ നിക്ഷേപം പ്രോത്സാഹിപ്പിക്കും. ബഹ്റൈനെ പ്രധാന നിക്ഷേപ കേന്ദ്രമാക്കി മാറ്റാനുള്ള കാര്യങ്ങൾ ആസൂത്രണം ചെയ്യണം. ഇതിനായി വിവിധ പദ്ധതികൾ ആവിഷ്കരിക്കുന്നുണ്ടെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.