പാർല​മെന്റ്, മുനിസിപ്പൽ തെരഞ്ഞെടുപ്പ്: 73 ശതമാനം പോളിങ്

മ​നാ​മ: ക​ഴി​ഞ്ഞ ദി​വ​സം ന​ട​ന്ന പാ​ർ​ല​മെ​ന്‍റ്, മു​നി​സി​പ്പ​ൽ കൗ​ൺ​സി​ലി​ലേ​ക്കു​ള്ള വോ​​ട്ടെ​ടു​പ്പി​ൽ 73 ശതമാനം പോളിങ്. വി​വി​ധ സ്​​കൂ​ളു​ക​ളി​ൽ സ​ജ്ജീ​ക​രി​ച്ച ബൂ​ത്തു​ക​ളി​ൽ രാ​വി​ലെ​ത​ന്നെ വോ​ട്ട്​ രേ​ഖ​പ്പെ​ടു​ത്താ​ൻ ആ​ളു​ക​ളെ​ത്തി​യി​രു​ന്നു. സ്​​ത്രീ​ക​ളു​ടെ വ​ർ​ധി​ച്ച സാ​ന്നി​ധ്യ​വും ഇ​പ്രാ​വ​ശ്യ​മു​ണ്ടാ​യി​രു​ന്ന​താ​യി വ​നി​ത സു​​​പ്രീം കൗ​ൺ​സി​ൽ വ്യ​ക്ത​മാ​ക്കി.കോ​വി​ഡ്​ ബാ​ധി​ത​രാ​യ​വ​ർ​ക്ക്​ വോ​ട്ട്​ രേ​ഖ​പ്പെ​ടു​ത്താ​ൻ എ​ക്​​സി​ബി​ഷ​ൻ സെ​ന്‍റ​റി​ൽ പ്ര​ത്യേ​ക സൗ​ക​ര്യം ഒ​രു​ക്കി​യി​രു​ന്നു. ​ ഇ​വി​ടെ​യും ശ​ക്ത​മാ​യ വോ​ട്ടി​ങ്ങാ​ണ്​ രേ​ഖ​പ്പെ​ടു​ത്തി​യ​ത്. ​

 കാ​പി​റ്റ​ൽ ഗ​വ​ർ​ണ​റേ​റ്റി​ലെ നാ​ലാം മ​ണ്ഡ​ല​ത്തി​ൽ മ​ത്സ​രി​ക്കു​ന്ന സി​റ്റി​ങ്​ എം.​പി​യാ​യ അ​മ്മാ​ർ അ​ൽ​ബ​ന്നാ​യ്​ മ​റ്റൊ​രു സ്ഥാ​നാ​ർ​ഥി വോ​ട്ടി​ന്​ പ​ണം കൊ​ടു​ത്ത​താ​യി ആ​രോ​പ​ണ​മു​ന്ന​യി​ച്ചു.ഇ​ത്​ സ്ഥി​രീ​ക​രി​ക്കു​ന്ന വി​ഡി​യോ​യും പ​രാ​തി​യോ​ടൊ​പ്പം ന​ൽ​കി. ഓ​രോ സ്ഥാ​നാ​ർ​ഥി​ക്കും വേ​ണ്ടി​യു​ള്ള പ്ര​ത്യേ​ക ടീം ​വോ​ട്ടി​ങ്​ കേ​ന്ദ്ര​ങ്ങ​ളി​ൽ രാ​വി​ലെ ത​ന്നെ​യെ​ത്തി സ്ഥാ​നാ​ർ​ഥി​ക​ളു​ടെ ചി​ത്ര​വും തെ​ര​ഞ്ഞെ​ടു​പ്പ്​ വാ​ഗ്​​ദാ​ന​പ​ത്രി​ക​ക​ളും വി​ത​ര​ണം ന​ട​ത്തി​യി​രു​ന്നു. വി​വി​ധ മ​ന്ത്രി​മാ​രും രാ​ജ​കു​ടും​ബാം​ഗ​ങ്ങ​ളും പോ​ളി​ങ്​ ബൂ​ത്തു​ക​ളി​ലെ​ത്തി വോ​ട്ട് ചെ​യ്​​തു. വാ​ഹ​നം ആ​വ​ശ്യ​മാ​യ വോ​ട്ട​ർ​മാ​ർ​ക്ക്​ സ്ഥാ​നാ​ർ​ഥി​ക​ൾ വാ​ഹ​ന സൗ​ക​ര്യ​മേ​ർ​പ്പെ​ടു​ത്തി​യി​രു​ന്നു. സ്ഥാ​നാ​ർ​ഥി​ക​ൾ ത​ങ്ങ​ളു​ടെ കു​ടും​ബാം​ഗ​ങ്ങ​ളു​ടെ​യും സു​ഹൃ​ത്തു​ക്ക​ളു​ടെ​യും വോ​ട്ട്​ ഉ​റ​പ്പി​ക്കു​ന്ന​തി​ന്​ അ​വ​സാ​ന നി​മി​ഷം​വ​രെ നേ​രി​ൽ വി​ളി​ച്ച്​ ബ​ന്ധ​പ്പെ​ടു​ന്ന​തും കാ​ണാ​മാ​യി​രു​ന്നു.

ബ​ദ​ൽ ശി​ക്ഷ പ​ദ്ധ​തി ഉ​പ​യോ​ഗ​​പ്പെ​ടു​ത്തി​യ ത​ട​വു​കാ​ർ തെ​ര​ഞ്ഞെ​ടു​പ്പ്​ ന​ട​പ​ടി​ക​ളി​ൽ സ​ഹാ​യി​ക​ളാ​യും സു​ര​ക്ഷ സൈ​നി​ക​ർ​ക്ക്​ പി​ന്തു​ണ ന​ൽ​കി​യും കൂ​ടെ​യു​ണ്ടാ​യി​രു​ന്നു. 100 പേ​രെ​യാ​ണ്​ ഇ​തി​നാ​യി ഉ​പ​യോ​ഗ​പ്പെ​ടു​ത്തി​യ​ത്. പ്രാ​യ​മാ​യ​വ​രെ സ​ഹാ​യി​ക്കു​ക, വോ​ട്ടി​ങ്​ കേ​ന്ദ്ര​ങ്ങ​ളി​ലാ​വ​ശ്യ​മാ​യ സൗ​ക​ര്യ​ങ്ങ​ളൊ​രു​ക്കു​ക എ​ന്നി​വ​യും ഇ​വ​രു​ടെ ചു​മ​ത​ല​യി​ലാ​യി​രു​ന്നു. ഇ​വ​രി​ൽ വോ​ട്ടു​ള്ള 93 പേ​ർ വോ​ട്ട്​ ചെ​യ്​​തു.