ഡേവിസ് കൂളക്ക് ബഹ്റൈൻ ഊരകം സെൻറ് ജോസഫ് ചർച്ച് കൂട്ടായ്മ നൽകിയ യാത്രയയപ്പ്
മനാമ: ഏറെ നാളത്തെ പ്രവാസജീവിതം കഴിഞ്ഞ് നാട്ടിലേക്കു മടങ്ങുന്ന ഡേവിസ് കൂളക്ക് ബഹ്റൈൻ ഊരകം സെൻറ് ജോസഫ് ചർച്ച് കൂട്ടായ്മ യാത്രയയപ്പു നൽകി. ഹമദ് ടൗണിൽ കോവിഡ് പ്രോട്ടോക്കോൾ പ്രകാരം നടന്ന ചടങ്ങിൽ കൂട്ടായ്മ രക്ഷാധികാരി ഡേവിഡ് ടി. മാത്യു ഉപഹാരം നൽകി.
സെക്രട്ടറി റോയ് കൂള അധ്യക്ഷത വഹിച്ചു. ജോൺ തൊമ്മാന, പോൾ ടി.എ തുടങ്ങിയവർ സംസാരിച്ചു. കോവിഡ് കാലത്ത് പ്രവാസികളുടെ അതിജീവനത്തിനായി പ്രവർത്തിക്കാനും ബഹ്റൈനിലും നാട്ടിലും ജീവകാരുണ്യ സേവന പ്രവർത്തനങ്ങൾ നടത്താനും ഊരകം കൂട്ടായ്മയിലൂടെ സാധിച്ചതിൽ സംതൃപ്തിയുണ്ടെന്ന് മറുപടി പ്രസംഗത്തിൽ ഡേവിസ് കൂള പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.