ഇന്ത്യൻ എംബസിയിൽ ഒഡിഷ ടൂറിസം പ്രമോഷൻ അംബാസഡർ വിനോദ് കെ. ജേക്കബ്
ഉദ്ഘാടനം ചെയ്യുന്നു
മനാമ: ഇന്ത്യൻ എംബസിയിൽ ഒഡിഷ ടൂറിസം പ്രമോഷന് തുടക്കമായി. എംബസി കോൺസുലർ ഹാളിൽ അംബാസഡർ വിനോദ് കെ. ജേക്കബ് ഉദ്ഘാടനം ചെയ്തു.
ഒഡിഷയിലെ വിനോദസഞ്ചാര ആകർഷണങ്ങളും വിശിഷ്ടമായ ഉൽപന്നങ്ങളും പ്രദർശിപ്പിച്ചിട്ടുണ്ട്. ഉദ്ഘാടനച്ചടങ്ങിൽ അംബാസഡർ കമ്യൂണിറ്റി അംഗങ്ങളോട് ഓഡിയോയിൽ സംസാരിച്ചു. ഇന്ത്യൻ എംബസിയുടെ ‘ഫോക്കസ് സ്റ്റേറ്റ്/യൂനിയൻ ടെറിട്ടറി’ സംരംഭത്തിനു കീഴിലാണ് ഓരോ സംസ്ഥാനത്തിന്റെയും ടൂറിസ്റ്റ് ആകർഷണങ്ങളും തനതായ ഉൽപന്നങ്ങളും ഒരു മാസക്കാലയളവിൽ ബഹ്റൈനിൽ പ്രമോട്ട് ചെയ്യുന്നത്.
രാജസ്ഥാൻ, കാശ്മീർ, ഉത്തർപ്രദേശ്, കർണാടക എന്നീ സംസ്ഥാനങ്ങൾക്കുശേഷം കോൺസുലർ ഹാളിൽ പ്രദർശിപ്പിക്കുന്ന അഞ്ചാമത്തെ സംസ്ഥാനമാണ് ഒഡിഷ. ലഘു സാംസ്കാരിക അവതരണവും ഒഡിഷയുടെ രുചിവൈവിധ്യവും ഒരുക്കിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.