മനാമ: ശനിയാഴ്ച ബഹ്റൈനിൽ എത്തുന്ന ഇന്ത്യൻ പ്രധാനമന്ത്രി നരേന്ദ്രമോദിക്ക് ബഹ്റൈൻ ഗവർമെൻറ് ഉജ്ജ്വല സ്വ ീകരണം നൽകാനുള്ള ഒരുക്കത്തിൽ. നരേന്ദ്ര മോദി ബഹ്റൈന് സന്ദര്ശിക്കുന്നതിനുള്ള തീരുമാനത്തെ കഴിഞ്ഞ ദിവസം നടന്ന മന്ത്രിസഭ യോഗം സ്വാഗതം ചെയ്തിരുന്നു. പ്രധാനമന്ത്രി പ്രിന്സ് ഖലീഫ ബിന് സല്മാന് ആല് ഖലീഫയുടെ അധ്യക്ഷതയില് ഗുദൈബിയ പാലസില് ചേര്ന്ന മന്ത്രിസഭാ യോഗത്തില് നരേന്ദ്ര മോദിയുടെ സന്ദര്ശനം ഇരുരാജ്യങ്ങളും തമ്മിലുള്ള ബന്ധം ശക്തമാക്കുന്നതിനും വിവിധ മേഖലകളിലുള്ള സഹകരണം വ്യാപിപ്പിക്കുന്നതിനും കാരണമാകുമെന്നാണ് വിലയിരുത്തിയത്. ഇന്ത്യയും ബഹ്റൈനും തമ്മില് കാലങ്ങളായി നിലനില്ക്കുന്ന ബന്ധം ദൃഢമാക്കുന്നതിനും ഇത് കാരണമാകുമെന്നും മന്ത്രിസഭായോഗം അഭിപ്രായപ്പെട്ടതും ശ്രദ്ധേയമാണ്. ദീർഘകാലത്തിനുശേഷം ബഹ്റൈൻ സന്ദർശിക്കുന്ന ഇന്ത്യൻ പ്രധാനമന്ത്രിയാണ് മോദി. അതിനാൽ ഇൗ സന്ദർശനത്തെ ഇരുരാജ്യങ്ങളും പ്രാധാന്യത്തോടെയാണ് കാണുന്നത്. രൂപ ക്രഡിറ്റ് കാർഡ് ലോഞ്ചിങ്, ഖലീജ് അൽ ബഹ്റൈൻ ബേസിൻ എന്നിവയിലെ നിക്ഷേപം എന്നിവ സന്ദർശനവുമായി ബന്ധപ്പെട്ട പ്രധാന അജണ്ടയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.