മുഹറഖ് മലയാളി സമാജം വിദ്യാഭ്യാസ അവാർഡ് വിതരണം പരിപാടിയിൽനിന്ന്
മനാമ: മുഹറഖ് മലയാളി സമാജം ഈ വർഷത്തെ 10,12 ക്ലാസുകളിൽ ഉന്നത വിജയം നേടിയ അംഗങ്ങളുടെ മക്കൾക്കും രക്ഷിതാക്കൾക്കും വിദ്യാദരം വിദ്യാഭ്യാസ പ്രോത്സാഹന അവാർഡ് നൽകി.ബഹ്റൈനിൽ പഠിച്ച കുട്ടികൾക്കും നാട്ടിൽ ഉന്നത വിജയം നേടിയ മക്കളുടെ രക്ഷിതാക്കളെയും ആദരിക്കുന്ന പരിപാടിയാണ് വിദ്യാദരം. മുഹറഖ് ലുലു ഹൈപ്പർമാർക്കറ്റ് ഗ്രൗണ്ട് ഫ്ലോറിൽ നടന്ന ചടങ്ങ് എം.എം.എസ് രക്ഷാധികാരിയും മുൻ ഇന്ത്യൻ സ്കൂൾ ചെയർമാനുമായ എബ്രഹാം ജോൺ ഉദ്ഘാടനം ചെയ്തു.
പ്രസിഡന്റ് അനസ് റഹീം അധ്യക്ഷതവഹിച്ച ചടങ്ങിൽ സെക്രട്ടറി സുനിൽ കുമാർ വില്യാപ്പള്ളി സ്വാഗതവും ട്രഷറർ ശിവശങ്കർ നന്ദിയും പറഞ്ഞു. ഉപദേശക സമിതി ചെയർമാൻ ലത്തീഫ് കെ, വൈസ് പ്രസിഡന്റ് അബ്ദുൽ മൻഷീർ, എന്റർടൈൻമെന്റ് വിങ് കൺവീനർ ഫിറോസ് വെളിയങ്കോട്, അസിസ്റ്റന്റ് ട്രഷറർ തങ്കച്ചൻ ചാക്കോ, ചാരിറ്റി വിങ് കൺവീനർ പ്രമോദ് കുമാർ വടകര, മെംബർഷിപ് കൺവീനർ മുഹമ്മദ് ഷാഫി, വനിതാ വേദി കൺവീനർ ഷൈനി മുജീബ്, എക്സിക്യൂട്ടിവ് അംഗങ്ങളായ മുൻ പ്രസിഡന്റ് അൻവർ നിലമ്പൂർ മുബീന മൻഷീർ, ഗോകുൽ കൃഷ്ണൻ, മുഹമ്മദ് അനസ്, ബിജിൻ ബാലൻ, സജീവൻ വടകര, മണികണ്ഠൻ ചന്ദ്രോത്ത്, അരുൺ, ബി.ഡി.എം.എ ഡയറക്ടർ ഷാമിർഖാൻ, വനിതാവേദി ജോ. കൺവീനർ സൗമ്യ ശ്രീകുമാർ എന്നിവർ വിജയികൾക്ക് രക്ഷിതാക്കൾക്കും ആദരവുകൾ നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.