അവധിക്ക് നാ​ട്ടി​ൽ പോ​യ മ​ല​യാ​ളി തി​രി​ച്ചെ​ത്തി​യ​ത് ‘മി​സ്റ്റ​ർ കേ​ര​ള​’യാ​യി

മ​നാ​മ: അ​വ​ധി​ക്ക് നാ​ട്ടി​ലേ​ക്ക് പോ​യ മ​ല​യാ​ളി പ്ര​വാ​സി തി​രി​ച്ചെ​ത്തി​യ​ത് മി​സ്റ്റ​ർ കേ​ര​ള പ​ട്ട​വു​മാ​യി. തി​രു​വ​ന​ന്ത​പു​രം വ​ിള​പ്പി​ൽ ശാ​ല സ്വ​ദേ​ശി സ​ന്തോ​ഷ് കു​മാ​റാ​ണ് ഈ ​അ​ഭി​മാ​ന നേ​ട്ടം ക​ര​സ്ഥ​മാ​ക്കി​യ​ത്. സ​ഹോ​ദ​രി​യു​ടെ ക​ല്യാ​ണ​ത്തി​നാ​യി മൂ​ന്നു​മാ​സ​ത്തെ അ​വ​ധി​ക്ക് നാ​ട്ടി​ലേ​ക്ക് പോ​യ​താ​യി​രു​ന്നു ബോ​ഡി ബി​ൽ​ഡ​റാ​യ സ​ന്തോ​ഷ്.

ആ ​സ​മ​യ​ത്താ​ണ് വേ​ൾ​ഡ് ഫി​റ്റ്ന​സ് ഫെ​ഡ​റേ​ഷ​ന്‍റെ മി​സ്റ്റ​ർ കേ​ര​ള ടൈ​റ്റി​ൽ കോം​പ​റ്റീ​ഷ​ൻ ന​ട​ക്കു​ന്ന​ത​റി​യു​ന്ന​ത്. തീ​ർ​ത്തും അ​പ്ര​തീ​ക്ഷ​ത​മാ​യെ​ത്തി​യ മ​ത്സ​ര​ത്തി​ന് ഒ​രു കൈ ​നോ​ക്കാ​മെ​ന്നാ​യി പി​ന്നീ​ട് സ​ന്തോ​ഷി​ന്. ക്ലാ​സി​ക്ക​ൽ ഫി​സി​ക് ടൈ​റ്റി​ൽ വി​ഭാ​ഗ​ത്തി​ൽ മ​ത്സ​രി​ച്ച സ​ന്തോ​ഷി​നെ തേ​ടി​യെ​ത്തി​യ​ത് മി​സ്റ്റ​ർ കേ​ര​ള​യെ​ന്ന അ​ഭി​മാ​ന നേ​ട്ട​മാ​ണ്.

12 കൊ​ല്ല​മാ​യി ബോ​ഡി ബി​ൽ​ഡി​ങ്ങി​ൽ ശ്ര​ദ്ധ​കേ​ന്ദ്രീ​ക​രി​ച്ച സ​ന്തോ​ഷ് ഇ​തി​നു മു​മ്പേ 2020ൽ ​മി​സ്റ്റ​ർ തി​രു​വ​ന​ന്ത​പു​രം പ​ട്ട​ത്തി​നും അ​ർ​ഹ​നാ​യി​രു​ന്നു. ഇ​സ ടൗ​ണി​ലെ ഫ്യൂ​ച്ച​ർ ജി​മ്മി​ൽ ട്രെ​യി​ന​റാ​യാ​ണ് ക​ഴി​ഞ്ഞ മൂ​ന്നു​കൊ​ല്ലം മു​മ്പ് സ​ന്തോ​ഷ് ബ​ഹ്റൈ​നി​ലെ​ത്തി​യ​ത്. ക​ഴി​ഞ്ഞ ദി​വ​സം തി​രി​ച്ചെ​ത്തി​യ സ​ന്തോ​ഷി​ന്‍റെ സ​ന്തോ​ഷ​ത്തി​ൽ പ​ങ്കു​ചേ​ർ​ന്നി​രി​ക്കു​ക​യാ​ണ് സ​ഹ​പ്ര​വ​ർ​ത്ത​ക​രും സു​ഹൃ​ത്തു​ക്ക​ളും.