എം.സി.എം.എ മട്ടൻ മാർക്കറ്റ് കൂട്ടായ്മ നൽകുന്ന സഹായധനം റഹീം കരുനാഗപ്പള്ളി
ശാന്തിസദനം ബഹ്റൈൻ ചാപ്റ്റർ പ്രതിനിധി വി.എം. ഹംസക്ക് കൈമാറുന്നു
മനാമ: മനാമ സെൻട്രൽ മാർക്കറ്റ് മലയാളി അസോസിയേഷൻ (എം.സി.എം.എ) മട്ടൻ മാർക്കറ്റ് ഏരിയ കൂട്ടായ്മയുടെ നേതൃത്വത്തിൽ നടത്തിവരുന്ന ജീവകാരുണ്യപ്രവർത്തനങ്ങളുടെ ഭാഗമായി പുറക്കാട് ശാന്തിസദനം ഭിന്നശേഷി വിദ്യാലയത്തിന് എല്ലാ മാസവും നൽകുന്ന സഹായഫണ്ടിന്റെ മേയ് മാസത്തിലെ വിഹിതം റഹീം കരുനാഗപ്പള്ളി ശാന്തിസദനം ബഹ്റൈൻ ചാപ്റ്റർ പ്രതിനിധി വി.എം. ഹംസക്ക് കൈമാറി.
വിദ്യാലയത്തിലെ കുഞ്ഞുങ്ങളുടെ ക്ഷേമ പ്രവർത്തനങ്ങൾക്കായി വിവിധ തലങ്ങളിൽ സഹായസഹകരണങ്ങൾ നൽകുമെന്ന് ചടങ്ങിൽ അധ്യക്ഷത വഹിച്ച എം.സി.എം.എ മട്ടൻ മാർക്കറ്റ് ഏരിയ പ്രസിഡൻറ് ഹനീഫ ചെറുതുരുത്തി പറഞ്ഞു. മുഖ്യരക്ഷാധികാരി അബ്ദുൽ സമദ് പത്തനാപുരം ആശംസ നേർന്ന് സംസാരിച്ചു. ഏരിയ സെക്രട്ടറി റഫീഖ് കളമല നന്ദി പറഞ്ഞു. എം.സി.എം.എ സെൻട്രൽ കമ്മിറ്റി ജനറൽ സെക്രട്ടറി അഷ്കർ പൂഴിത്തല സന്നിഹിതനായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.