കോഴിക്കോട് ജില്ല പ്രവാസി ഫോറം ലേഡീസ് വിങ് ചിൽഡ്രൻസ് വിങ്ങിന് വേണ്ടി സംഘടിപ്പിച്ച ഉല്ലാസയാത്ര
മനാമ: കോഴിക്കോട് ജില്ല പ്രവാസി ഫോറം (കെ.പി.എഫ് ബഹ്റൈൻ) ലേഡീസ് വിങ്ങിന്റെ നേതൃത്വത്തിൽ ചിൽഡ്രൻസ് വിങ്ങിന് വേണ്ടി നടത്തിയ പഠന, ഉല്ലാസ യാത്ര വേറിട്ട അനുഭവമായി. കെ.പി.എഫ് ലേഡീസ് വിങ് കൺവീനർ സജ്ന ഷനൂബിന്റെ നേതൃത്വത്തിൽ നടന്ന യാത്ര കെ.പി.എഫ് പ്രസിഡന്റ് സുധീർ തിരുന്നിലത്ത്, ജനറൽ സെക്രട്ടറി അരുൺ പ്രകാശ്, രക്ഷാധികാരി യു.കെ. ബാലൻ, എക്സിക്യൂട്ടിവ് മെംബേഴ്സ് എന്നിവർ ചേർന്ന് ആന്റലസ്സ് ഗാർഡനിൽ വെച്ചു ഫ്ലാഗ് ഓഫ് ചെയ്തു. ചിൽഡ്രൻസ് വിങ് കൺവീനർ രമാ സന്തോഷ് നിയന്ത്രിച്ച യാത്ര ആലി പോട്രി, പേർളിങ് പാത്ത്, ഡ്രാഗൺ ഡ്രോക്ക് എന്നിവിടങ്ങിൽ സന്ദർശനം നടത്തി.
കുട്ടികൾ തയാറാക്കിയ യാത്രാവിവരണ മത്സരത്തിൽ ഇഷാ ഷാജി, ഇസ്സ റമീസ്, ആൽവിൻ രന്ദിഷ് എന്നിവ യഥാക്രമം ഒന്നും രണ്ടും മൂന്നും സ്ഥാനങ്ങൾ പങ്കുവെച്ചു. വിജയികൾക്ക് ചിൽഡ്രൻസ് വിങ് ജനറൽ സെക്രട്ടറി മിത്ര റോഷിൽ സമ്മാനങ്ങൾ വിതരണം ചെയ്തു. ലേഡീസ് വിങ് ജോയന്റ് കൺവീനേഴ്സ് അഞ്ജലി സുജീഷ്, ഷറീന ഖാലിദ് എന്നിവരുൾപ്പെടുന്ന ലേഡീസ് വിങ് എല്ലാ വിധ പിന്തുണയും നൽകി യാത്ര വിജയിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.