കൊല്ലം പ്രവാസി അസോസിയേഷൻ ശിശുദിനസംഗമം
മനാമ: കൊല്ലം പ്രവാസി അസോസിയേഷൻ ചിൽഡ്രൻസ് പാർലമെന്റിന്റെ നേതൃത്വത്തിൽ സൽമാബാദ് അൽ ഹിലാൽ ഹോസ്പിറ്റലിൽ സംഘടിപ്പിച്ച ശിശുദിനസംഗമം ശ്രദ്ധേയമായി.
നൂറിൽപരം കുട്ടികൾ പങ്കെടുത്ത സംഗമത്തിൽ വിജ്ഞാനത്തിനും വിനോദത്തിനും മുൻ‌തൂക്കം നൽകി വിവിധ പരിപാടികൾ ഉൾപ്പെടുത്തിയിരുന്നു. വിനു ക്രിസ്റ്റി, ജിഷ വിനു, അഞ്ജലി രാജ് എന്നിവരുടെ നേതൃത്വത്തിൽ കുട്ടികൾക്കായി പൊതുവിജ്ഞാനം, സ്റ്റോറി മേക്കിങ്, പെയിന്റിങ്, മറ്റു വിനോദ പരിപാടികൾ, കുട്ടികളുടെ കലാപരിപാടികൾ എന്നിവ നടന്നു. ചിൽഡ്രൻസ് പാർലമെന്റ് പ്രൈം മിനിസ്റ്റർ മുഹമ്മദ് യാസീൻ അധ്യക്ഷനായ ചടങ്ങ് കെ.പി.എ പ്രസിഡന്റ് നിസാർ കൊല്ലം ഉദ്ഘാടനം ചെയ്തു.
ചിൽഡ്രൻസ് കൗൺസിലറും സിജി ബഹ്‌റൈൻ ചീഫ് കോഓഡിനേറ്ററുമായ ഫാസിൽ താമരശ്ശേരി മുഖ്യാതിഥിയായി പങ്കെടുത്തു. ചിൽഡ്രൻസ് പാർലമെന്റ് സ്പീക്കർ രമിഷ പി. ലാൽ സ്വാഗതവും എജുക്കേഷൻ മിനിസ്റ്റർ മിഷേൽ പ്രിൻസ് നന്ദിയും പറഞ്ഞു. ഫിനാൻസ് മിനിസ്റ്റർ അമൃതശ്രീ ബിജു, കെ.പി.എ ജനറൽ സെക്രട്ടറി ജഗത് കൃഷ്ണകുമാർ, കൺവീനർ അനിൽകുമാർ എന്നിവർ ആശംസകൾ അറിയിച്ചു. അൽ ഹിലാൽ ഹോസ്പിറ്റൽ മാർക്കറ്റിങ് മാനേജർ പ്രീതം സ്നേഹോപഹാരം ഏറ്റുവാങ്ങി. കെ.പി.എ വൈ. പ്രസിഡന്റ് കിഷോർ കുമാർ, സെക്രട്ടറി സന്തോഷ് കുമാർ, അസി. ട്രഷറർ ബിനു കുണ്ടറ എന്നിവർ സന്നിഹിതരായിരുന്നു.
ചിൽഡ്രൻസ് പാർലമെന്റ് ആർട്സ് & കൾചറൽ മിനിസ്റ്റർ ദേവിക അനിൽ, സ്പോർട്സ് മിനിസ്റ്റർ സന ഫാത്തിമ എന്നിവർ പരിപാടികൾ നിയന്ത്രിച്ചു. ചിൽഡ്രൻസ് പാർലമെന്റ് കൺവീനേഴ്‌സായ ജ്യോതി പ്രമോദ്, നവാസ് കുണ്ടറ, കൃഷ്ണകുമാർ എന്നിവർ പരിപാടികൾക്ക് നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.