കെ.എം.സി.സി ഭാരവാഹികൾ നിയുക്ത ഇന്ത്യൻ അംബാസഡറെ സന്ദർശിച്ചപ്പോൾ
മനാമ: കെ.എം.സി.സി ഭാരവാഹികൾ നിയുക്ത ഇന്ത്യൻ അംബാസഡർ വിനോദ് കെ. ജേക്കബുമായി കൂടിക്കാഴ്ച നടത്തി. കെ.എം.സി.സി ബഹ്റൈൻ പ്രസിഡന്റ് ഹബീബ് റഹ്മാൻ, ഭാരവാഹികളായ അസൈനാർ കളത്തിങ്ങൽ, റസാഖ് മൂഴിക്കൽ, കെ.പി. മുസ്തഫ, ഗഫൂർ കയ്പമംഗലം, റഫീഖ് തോട്ടക്കര, കെ.കെ.സി. മുനീർ, ഫൈസൽ കോട്ടപ്പള്ളി എന്നിവരാണ് സംഘത്തിലുണ്ടായിരുന്നത്. ഇന്ത്യൻ പ്രവാസികളനുഭവിക്കുന്ന വിവിധ പ്രശ്നങ്ങൾ സംഘം നിയുക്ത അംബാസഡറെ അറിയിച്ചു.
യാത്രാദുരിതം, മൃതദേഹങ്ങൾ നാട്ടിലെത്തിക്കുന്നതുമായി ബന്ധപ്പെട്ട് നേരിടേണ്ടിവരുന്ന പ്രയാസങ്ങൾ അടക്കം വിവരിച്ചു. പ്രശ്നപരിഹാരത്തിന് നടപടിയെടുക്കാമെന്ന് നിയുക്ത അംബാസഡർ മറുപടി നൽകിയതായി ഭാരവാഹികൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.