കെ.എം.സി.സി കാസർകോട് ജില്ല കമ്മിറ്റി കൺവെൻഷൻ സംസ്ഥാന പ്രസിഡൻറ് ഹബീബ് റഹ്മാൻ ഉദ്ഘാടനം ചെയ്യുന്നു
മനാമ: ബഹ്റൈൻ കെ.എം.സി.സി കാസർകോട് ജില്ല കമ്മിറ്റി 'പ്രവർത്തനമികവിൽ രണ്ടുവർഷം' എന്ന ശീർഷകത്തിൽ സംഘടിപ്പിച്ച കൺവെൻഷനിൽ ജില്ലയിലെ കഴിവ് തെളിയിച്ച വ്യക്തികളെയും വിദ്യാർഥികളെയും അനുമോദിച്ചു. ജില്ല പ്രസിഡൻറ് അഷ്റഫ് മഞ്ചേശ്വരത്തിെൻറ അധ്യക്ഷതയിൽ നടന്ന യോഗം സംസ്ഥാന പ്രസിഡൻറ് ഹബീബ് റഹ്മാൻ ഉദ്ഘാടനം ചെയ്തു. കാസർകോട് ജില്ല കമ്മിറ്റി നടത്തുന്ന പ്രവർത്തനങ്ങൾ മാതൃകാപരമാണെന്നും ഒട്ടേറെ പ്രവർത്തകരുടെ കണ്ണീരൊപ്പാൻ കമ്മിറ്റിക്ക് കഴിഞ്ഞിട്ടുണ്ടെന്നും ഹബീബ് റഹ്മാൻ പറഞ്ഞു. സകരിയ ദാരിമി മുഖ്യപ്രഭാഷണം നടത്തി. സംസ്ഥാന വൈസ് പ്രസിഡൻറ് ഷാഫി പാറക്കട്ട, സെക്രട്ടറി ഒ.കെ. കാസിം, അഷ്റഫ് പെർള, അഷ്റഫ് പൈക, ഖലീൽ ചെമ്മനാട്, ഹസൻ ചിത്താരി, ഇസ്മായിൽ എന്നിവർ ആശംസയർപ്പിച്ചു. ഇലക്ഷൻ പ്രവചനമത്സര വിജയിയായ അഫ്സലിനുള്ള ടാബ് ഷാഫി പാറക്കട്ട കൈമാറി. ബഹ്റൈൻ കേരള സോഷ്യൽ ഫോറം മാപ്പിളപ്പാട്ട് മത്സരത്തിൽ വിജയിച്ച കാസർകോട് ജില്ല അംഗം ഷഫീൽ പാറക്കട്ടക്ക് ഹനീഫ ഉപ്പളയും സ്വാതന്ത്ര്യ ദിനത്തോടനുബന്ധിച്ച് ഗൾഫ് മാധ്യമം നടത്തിയ ക്വിസ് മത്സരത്തിൽ ഗ്രാൻഡ് ഫിനാലെയിൽ മത്സരിച്ച മൊയ്ദീൻ റിസാന് സീനിയർ നേതാവ് ബാവ പുത്തൂരും സമ്മാനം കൈമാറി. ജില്ല വൈസ് പ്രസിഡൻറ് റഫീഖ് മിനാർ, മമ്മു പൊവ്വൽ, സെക്രട്ടറിമാരായ അബ്ദുല്ല പുത്തൂർ, ഇബ്രാഹീം ചാല, സത്താർ ഉപ്പള, ഖാദർ പൊവ്വൽ എന്നിവർ പരിപാടിക്ക് നേതൃത്വം നൽകി. മുസ്ലിം ലീഗ് സംസ്ഥാന വൈസ് പ്രസിഡൻറ് അബ്ദുൽ ഖാദർ മൗലവിയുടെ നിര്യാണത്തിൽ യോഗം അനുശോചനം രേഖപ്പെടുത്തി. ജില്ല ജനറൽ സെക്രട്ടറി റിയാസ് പട്ല സ്വാഗതവും ആക്ടിങ് ട്രഷറർ റഫീഖ് കാമ്പസ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.