മനാമ: ബഹ്റൈൻ കേരളീയ സമാജം എല്ലാവർഷവും കുട്ടികൾക്കായി നടത്തിവരാറുള്ള സമ്മർ ക്യാമ്പിൽ രജിസ്റ്റർ ചെയ്യാനുള്ള അവസാന തീയതി ജൂലൈ നാല് വരെ നീട്ടിയതായി സംഘാടകർ അറിയിച്ചു. ജൂലൈ അഞ്ചിന് ആരംഭിച്ച് ആഗസ്റ്റ് 19ന് അവസാനിക്കുന്ന വിധമാണ് ഈ വർഷത്തെ ക്യാമ്പ് ആസൂത്രണം ചെയ്തിരിക്കുന്നതെന്ന് സമാജം പ്രസിഡന്‍റ് പി.വി. രാധാകൃഷ്ണ പിള്ളയും ജനറൽ സെക്രട്ടറി വർഗീസ് കാരക്കലും അറിയിച്ചു.
ചിക്കൂസ് ശിവനും രാജേശ്വരി ശിവനുമാണ് ഈ വർഷത്തെ ക്യാമ്പിന് നേതൃത്വം നൽകുന്നതെന്ന് വൈസ് പ്രസിഡന്‍റ് ദേവദാസ് കുന്നത്ത് പറഞ്ഞു. വിവിധ മേഖലകളിൽ പ്രഗല്ഭരായ 15ഓളം സമാജം അംഗങ്ങളും ക്യാമ്പിൽ പരിശീലകരായി പങ്കെടുക്കും. അഞ്ച് മുതൽ 15 വയസ്സുവരെയുള്ള കുട്ടികൾക്കാണ് ക്യാമ്പിൽ പ്രവേശനം അനുവദിക്കുന്നത്.
രജിസ്ട്രേഷനും മറ്റു വിവരങ്ങൾക്കുമായി ജനറൽ കൺവീനർ മനോഹരൻ പാവറട്ടി (39848091), ക്യാമ്പ് കൺവീനർ ഷീജ വീരമണി, (3779 3545) ജോ. കൺവീനർ ബിനിത ജിയോ (3825 4827) എന്നിവരെയോ സമാജം ഓഫിസുമായോ (17251878) ബന്ധപ്പെടാവുന്നതാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.